Gujarati News

Gujarati News

News of Tuesday, 26th January 2021

રાજ્યમાં આગામી બે દિવસ ભારે ઠંડા પવનો ફૂંકાશે:પાંચ દિવસની કોલ્ડવેવની આગાહી

કચ્છ અને સૌરાષ્ટ્રના વિસ્તારોમાં કડકડતી ઠંડી પડી શકે

અમદાવાદ : રાજ્યમાં ફરી એકવાર ઠંડીનો ચમકારો જોવા મળી રહ્યો છે. જો કે હવામાન વિભાગ દ્વારા હજી પણ બે દિવસ સુધી ઠંડીનો ચમકારો યથાવત્ત રહેવા અથવા તો વધવાની આગાહી કરી છે. કચ્છ, સૌરાષ્ટ્ર, પોરબંદર, ભાવનગરમાં સૌથી વધારે અસર જોવા મળશે તેમ જણાવ્યું હતું. રાજ્યમાં સૌથી ઓછું તાપમાન નાલિયામાં 3 ડિગ્રી નોંધાયું છે. જ્યારે અમદાવાદમાં 10 ડિગ્રીએ તાપમાન પહોંચ્યું છે. ગાંધીનગરમાં 8, રાજકોટ, કેશોદ, પોરબંદર અને અમરેલી સહિત સૌરાષ્ટ્રનાં અનેક વિસ્તારોમાં 9 ડિગ્રીએ તાપમાન પહોંચ્યું છે.

હવામાન વિભાગના અનુસાર આગામી 5 દિવસ સુધી હજી પણ ઠંડા પવનો ફૂંકાવાને કારણે ઠંડીનો ચમકારો જોવા મળશે. કચ્છ અને સૌરાષ્ટ્રના વિસ્તારોમાં કડકડતી ઠંડી પડી શકે છે. રાજ્યનાં 8 શહેરોમાં સિંગલ ડિજીટમાં ઠંડી જોવા મળી હતી. એક જ દિવસમાં નલિયા અને પોરબંદરમાં સામાન્ય કરતા 6 ડિગ્રી જેટલું તાપમાન નીચે ગગડી ગયું છે. અમદાવાદમાં પણ આગામી દિવસમાં 9થી10 ડિગ્રીની આસપાસ તાપમાન રહેવાની શક્યતા છે.

(9:45 pm IST)
  • દિલ્હીની સરહદે બેરીકેડ તોડીને ખેડૂતોએ કિસાન ટ્રેકટર રેલી શરૂ કરતા અત્યારે સવારે ૧૧-.૩૦ આસપાસ પોલીસે સંજય ગાંધી ટ્રાન્સપોર્ટ નગરમાં ટીયરગેસ છોડયો છે અને લાઠીચાર્જ શરુ કર્યો છે. દિલ્હીની ગાજીપુર સરહદે ખેડૂતો અને પોલીસ વચ્ચે અથડામણ થઇ છે. access_time 12:04 pm IST

  • સુરતમાં રેલી: અનેકની ધરપકડ: સુરત: તિરંગાયાત્રા કાઢતા ૫૦ની અટકાયત. સરથાણા જકાતનાકા પાસે પોલીસે અટકાવી રેલી: સરથાણા જકાતનાકા પાસે ધરપકડો કરાઈ access_time 10:54 am IST

  • દિલ્હીમાં સ્થિતી વણસતી જાય છે :ખેડૂત આંદોલનકારીઓ અને પોલીસ વચ્ચે અથડામણ: અત્યાર સુધી શાંત રહેલ આંદોલન પોલીસે ટિયર ગેસ સેલ છોડતા વણસી રહ્યું છે. પશ્ચિમ દિલ્હીના નાનગ્લોઈ જંકશન ઉપર ખેડૂત ટ્રેક્ટર રેલીને પ્રવેશતી રોકવા દિલ્હી પોલીસના જવાનોએ માનવ સાંકળ રચી દીધી છે, મહિલા પોલીસ પણ આ સાંકળમાં જોડાઈ ગઈ છે. ટિયર ગેસ સેલ છોડાયા છે. પૂર્વ નિર્ધારિત રૂટના બદલે ખેડૂત રેલી શહેરના હાઈ સિક્યોરિટી ઝોનના ભાગો તરફ જવા પ્રયાસ કરતા સ્થિતિ ટર્ન લઇ રહી હોવાનું એનડિટીવી નોંધે છે. access_time 1:21 pm IST