Gujarati News

Gujarati News

News of Tuesday, 26th January 2021

કલોલ-મહેસાણા હાઇવે નજીક હિટ એન્ડ રન:પુરપાટ ઝડપે જતી બીંકે યુવાનને હડફેટે લેતા કમકમાટીભર્યું મોત

ગાંધીનગર:જિલ્લાના હાઈવે માર્ગો ઉપર અકસ્માતની ઘટનાઓ વધી રહી છે ત્યારે કલોલ-મહેસાણા હાઈવે ઉપર છત્રાલ નજીક આનંદપુરાના બાઈક સવાર યુવાનને અડફેટે લઈ અજાણ્યું વાહન ફરાર થઈ ગયું હતું અને ઘાયલ યુવાનને સારવાર માટે કડીથી અમદાવાદ લઈ જવાયો હતો જયાં સારવાર દરમ્યાન તેનું મોત નીપજયું હતું. ઘટના અંગે કલોલ તાલુકા પોલીસે ગુનો નોંધી ફરાર વાહન ચાલકને પકડવા માટે દોડધામ શરૃ કરી છે.  

ગાંધીનગર શહેર અને આસપાસના હાઈવે માર્ગો ઉપર છેલ્લા થોડા સમયથી અકસ્માતની ઘટનાઓએ માઝા મુકી છે અને તેમાં પણ ખાસ કરીને હાઈવે માર્ગો ઉપર હીટ એન્ડ રનની ઘટનાઓ વધી રહી છે. ત્યારે ગઈકાલે કલોલ-મહેસાણા હાઈવે ઉપર છત્રાલ નજીક નીરમા ફેકટરી પાસે બાઈક લઈને પસાર થઈ રહેલા યુવાનને અજાણ્યા વાહને અડફેટે લેતાં મોત નીપજયું હતું. ઘટના અંગે પોલીસ સુત્રોમાંથી મળતી વિગતો પ્રમાણે કડીના આનંદપુરા ગામ ખાતે રહેતા મુકેશભાઈ સોમદાસ પટેલનો ર૧ વર્ષીય પુત્ર જય તેનું બાઈક નં.જીજે-૦૧-એનજી-૭૯૬૮ લઈને કલોલ મહેસાણા હાઈવે ઉપર પસાર થઈ રહયો હતો તે દરમ્યાન છત્રાલ નજીક કોઈ અજાણ્યું વાહન તેના બાઈકને અડફેટે લઈને ફરાર થઈ ગયું હતું. જેના પગલે તેને તાત્કાલિક સારવાર માટે કડીની ખાનગી હોસ્પિટલ અને ત્યાંથી વધુ સારવાર માટે અમદાવાદની હોસ્પિટલ ખાતે ખસેડવામાં આવ્યો હતો. જયાં સારવાર દરમ્યાન યુવાન જયનું મોત નીપજયું હતું.  ઘટનાના પગલે મૃતક યુવાનના પિતાએ કલોલ તાલુકા પોલીસ મથકમાં ફરિયાદ આપતાં પોલીસે ગુનો નોંધી ફરાર વાહન ચાલકની શોધખોળ શરૃ કરી છે.

(4:58 pm IST)
  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST

  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 9036 કેસ નોંધાયા :કુલ કેસની સંખ્યા 1,06,77,710 થઇ :એક્ટિવ કેસ 1,74,362 થયા: વધુ 16,023 દર્દીઓ સ્વસ્થ થતા કુલ 1,03,45,267 થયા :વધુ 116 લોકોના મોત સાથે કુલ મૃત્યુઆંક 1,53,624 થયા access_time 1:00 am IST

  • ઠંડીથી ઠુંઠવાયું કચ્છ: કોલ્ડવેવ: શીત લહેર : નલિયામાં રેકોર્ડબ્રેક ૨.૮ ડિગ્રી ઠંડી: સમગ્ર કચ્છમાં કોલ્ડવેવ, ભુજ, અંજાર વિસ્તારમાં પારો સિંગલ ડિજિટમાં. ભુજ ૯.૮ ડિગ્રી, કંડલા ૮.૪, કંડલા ૧૦.૫ ડિગ્રી તાપમાન સવારે નોંધાયું. access_time 10:55 am IST