Gujarati News

Gujarati News

News of Tuesday, 26th January 2021

આણંદ જિલ્લાના તારાપુરની કાનાવાડા ચોકડી નજીક રાત્રીના સુમારે બોલેરો કારમાં આગ ભભુકતા ચાલક બળીને ખાખ

આણંદ:જિલ્લાના તારાપુરની કાનાવાડા ચોકડી નજીક એક ઓઈલ પ્લાન્ટના ખુલ્લા મેદાનમાં ગઈકાલ રાત્રિના સુમારે એક બોલેરો કારમાં આગ ફાટી નીકળતા કારનો ચાલક આગમાં બળીને ભડથુ થઈ જતા સમગ્ર પંથકમાં ભારે ચકચાર મચી જવા પામી છે. બનાવ અંગે તારાપુર પોલીસે અપમૃત્યુની નોંધ નોંધી કાયદેસરની કાર્યવાહી હાથ ધરી છે.

  બનાવ અંગે પોલીસ સૂત્રો પાસેથી મળતી માહિતી મુજબ મૂળ યુપીના અને હાલ તારાપુર ખાતે રહેતા અવધેશકુમાર સુધારામ દુબે જીએનઆરએલ ઓઈલ એન્ડ ગેસ કંપનીમાં તારાપુરના કાનાવાડા પાસે ચાલતા પ્રોજેક્ટમાં માઈન્સ મેનેજર તરીકે ફરજ બજાવતા હતા. ગઈકાલ રાત્રિના સુમારે તેઓ પોતાના ઘરેથી કાનાવાડા ચોકડી નજીક આવેલ જીએનઆરએલ ઓઈલ પ્લાન્ટ ખાતે ચેકીંગ માટે નીકળ્યા હતા. દરમ્યાન રાત્રિના સુમારે ઓઈલ પ્લાન્ટના મેદાનમાં તેઓની કારમાં અચાનક આગ ફાટી નીકળી હતી. આગ  લાગવાના કારણે કાર લોક થઈ ગઈ હતી અને અવધેશકુમાર કારમાં ફસાઈ ગયા હતા. કારમાંથી બહાર નહી નીકળી શકતા તેઓ કારમાં લાગેલી આગમાં બળીને ભડથુ થઈ ગયા હતા. આગ લાગવાના કારણે કાર સંપૂર્ણપણે બળીને ખાખ થઈ ગઈ હતી. જો કે માઈન્સ મેનેજરનું કારમાં બળી જવાના કારણે થયેલ મૃત્યુ અંગે સ્થાનિકોમાં અનેક પ્રકારની શંકા-કુશંકાઓ ઉઠવા પામી છે

(4:57 pm IST)
  • દિલ્હી હિંસા મામલે અમિતભાઈ શાહના વડપણ હેઠળ ઉચ્ચસ્તરીય બેઠક મળી : ગુપ્તચર સંસ્થાઓના વડા હાજર, એક કલાકથી બેઠક ચાલુ : દિલ્હીના આઠ મેટ્રો સ્ટેશન બંધ કરવામાં આવ્યા : આંદોલન બગાડવા, તોડી પાડવા ષડયંત્ર રચવામાં આવ્યાનો ટિકૈતનો આરોપ : દિલ્હીના કેટલાક રસ્તાઓ બંધ કરી દેવાયા : આજના બનાવો અંગે દિલ્હી પોલીસ કેસો દાખલ કરશે અને ધરપકડો શરૂ કરશે : રાત્રે 12 વાગ્યા સુધી દિલ્હીમાં પાંચ સ્થળોમાં ઇન્ટરનેટ બંધ : દિલ્હીની સિંધુ-ટીકરી બોર્ડર ઉપર પણ ઇન્ટરનેટ બંધ access_time 6:39 pm IST

  • ડેઈલી કોરોના કેસમાં જબરો ઘટાડો: લાંબા સમય પછી ૧૦ હજારથી ઓછા કેસ નોંધાયા : ભારતમાં મોડી રાત્રે કોરોના કેસમાં મોટો ઘટાડો નોંધાયો છે. લાંબા સમય પછી એક દિવસમાં કોરોના કેસોનો આંક ૧૦ હજારની નીચે ચાલ્યો ગયો છે (ન્યુઝફર્સ્ટ) access_time 12:29 am IST

  • બ્રિટનના પ્રાઈમ મિનિસ્ટર બોરિસ જોન્સને ગણતંત્ર દિવસની ભારતને શુભેચ્છા પાઠવી : પોતે હાજર રહી ન શક્યા તે બદલ અફસોસ વ્યક્ત કર્યો access_time 12:53 pm IST