Gujarati News

Gujarati News

News of Tuesday, 26th January 2021

વલસાડ આરટીઓ ઓફિસને ગંદકીમાંથી કોણ 'આઝાદ 'કરશે ?

વડાપ્રધાન મોદી પણ સ્વછતા અભિયાન માટે લોકોને અપીલ કરે છે પણ વલસાડ આરટીઓ ગંદકી દૂર કરવા માગતું જ નથી !!

(કાર્તિક બાવીશી દ્વારા ) વલસાડની આરટીઓની વર્ષે કરોડની આવક થતાં છેલ્લા છ મહિનાથી શૌચાલય ઉભરાઈ ભરપૂર ગંદકી ફેલાવવા છતાં તેને રીપેરીંગ કરવાની ફુરસદ આરટીઓ કચેરીના કર્મચારીઓને મળતી નથી. જેના કારણે આરટીઓમાં કામ લઇ આવનારા અરજદારો ને ભારે  તકલીફ વેઠવી પડી રહી છે.

  વલસાડ આરટીઓ કચેરીના જવાબદાર અધિકારીઓ તાત્કાલિક શૌચાલય રીપેરીંગ કરાવે તેવી અરજદારોમાં માંગ ઉઠવા પામી છે.વલસાડ શહેરના ધરમપુર રોડ પર જિલ્લા આરટીઓ કચેરી આવેલી છે. આ આરટીઓ કચેરીમાં રોજેરોજ અરજદારો મોટા પ્રમાણમાં ટુવિલર ફોરવીલર થ્રીવિલર, બસ, ટ્રક, ડમ્પર  કે અન્ય વાહનો માટે  લાઇસન્સ, વાહનોના નંબરો, પાર્સિંગ, નામ ટ્રાન્સફર, કે અન્ય કામો કરાવવા માટે અરજદારો આવતા હોય છે. વલસાડ આરટીઓ કચેરીની વર્ષે દહાડે  કરોડોની આવક થતી હોય છે

  . વલસાડ આરટીઓ કચેરીમાં અરજદારો માટે ભોય તળિયે શૌચાલય બનાવવામાં આવેલું છે પરંતુ છેલ્લા છ મહિનાથી શૌચાલય  ઉભરાઈ તેમાંથી મળ મૂત્ર  પાણી અંદર ફેલાતા અસહ્ય ગંદકી જોવા મળી રહી છે. તેમ છતાં વલસાડ આરટીઓ કચેરીના જવાબદાર અધિકારીઓ કર્મચારીઓ ને તેને જોવાની કે રીપેરીંગ કરવાની ફુરસદ મળતી નથી. જેના કારણે આરટીઓ કચેરીમાં આવતા અરજદારોને ભારે તકલીફ વેઠવી પડી રહી છે. વલસાડ આરટીઓ કચેરીમાં ઉભરાતાં શૌચાલય ને તાત્કાલિક રીપેરીંગ કરાવે તેવી અરજદારોમાં બૂમરાણ ઉઠવા પામી છે.

(9:40 pm IST)
  • સુરતમાં રેલી: અનેકની ધરપકડ: સુરત: તિરંગાયાત્રા કાઢતા ૫૦ની અટકાયત. સરથાણા જકાતનાકા પાસે પોલીસે અટકાવી રેલી: સરથાણા જકાતનાકા પાસે ધરપકડો કરાઈ access_time 10:54 am IST

  • શું આ દિવસની જ રાહ જોવાઈ રહી હતી ? : ગણતંત્ર દિવસે કિસાન રેલી અને પોલીસ વચ્ચે ઝપાઝપી : સરકારે ધાર્યું હોત તો ખેડૂતોનો પ્રશ્ન વહેલો હલ થઇ શક્યો હોત : કોઈ અદ્રશ્ય શક્તિ રાજકારણ ખેલી રહી છે : શિવસેના આગેવાન સંજય રાઉતનો મોદી સરકાર ઉપર પ્રહાર access_time 6:17 pm IST

  • ખેડૂતોની ટ્રેક્ટર રેલી પૂર્વે દિલ્હીમાં રાતોરાત સડક ઉપર દિવાલ ઊભી કરી દેવામાં આવી છે કરનાલ બાયપાશ ઉપર વાહનોને દિલ્હીમાં પ્રવેશતાં રોકવા માટે કામચલાવ દિવાલ ઉભી કરવામાં આવી છે. લોકોને ટ્રેક્ટર પરેડના રૂટ આસપાસથી પસાર નહીં થવા કહેવાયું છે. ખેડૂત આગેવાનો ટ્રેક્ટર પરેડ યુપી ગેટથી અક્ષરધામ મંદિર સુધી લઇ જવા માટે મક્કમ છે. સતત અવરોધ મડાગાંઠ સર્જાવાને કારણે દિલ્હી પોલીસે યુપી ગેટ બોર્ડર ઉપર દિલ્હી તરફથી આવનારા રસ્તાને બંધ કરી દીધેલ છે. ટ્રેક્ટર રેલી સિંધુ બોર્ડર, ગાજીપુર બોર્ડર અને ટીકરી બોર્ડરથી નીકળવાની તૈયારીમાં છે. સમગ્ર દેશની નજર આજની ટ્રેક્ટર રેલી ઉપર મંડાઈ છે. access_time 10:29 am IST