Gujarati News

અમદાવાદ : પૂર્વ વડાપ્રધાન ભારતરત્ન સ્વ. અટલબિહારી વાજપેયીના જન્મદિવસ સુશાસન દિવસે ગુજરાતમાં ર૪૮ સ્થાનોએ કૃષિ કલ્યાણ કાર્યક્રમો મુખ્યમંત્રી શ્રી વિજયભાઇ રૂપાણીની ઉપસ્થિતીમાં - મુખ્ય કાર્યક્રમ મહાત્મા મંદિર ગાંધીનગરમાં યોજાશે. મુખ્યમંત્રી મહાત્મા મંદિર ગાંધીનગરથી સવારે ૧૧ વાગ્યે રાજ્યભરના ખેડૂતોને સેટકોમ માધ્યમથી પ્રેરણા સંદેશ આપશે.

નાયબ મુખ્યમંત્રી  નીતિનભાઇ પટેલ મહેસાણામાં ઉપસ્થિત રહેશે.રાજ્ય મંત્રીમંડળના મંત્રીઓ-સાંસદો-ધારાસભ્યો-પદાધિ

કારીઓ તાલુકા મથકોએથી જોડાશે.
 વડાપ્રધાનના હસ્તે એટ વન કલીક ગુજરાતના પ૧ લાખ ધરતીપુત્રોના ખાતામાં કિસાન સન્માન નિધિના કુલ રૂ. ૧૦ર૭ કરોડ જમા કરાવાશે.  ૧૮૦૦૦ જેટલા નાના-છૂટક વેપારીઓના શાકભાજી -ફળફળાદિને તાપ, ટાઢ, વરસાદ કે અન્ય રીતે થતો બગાડ અટકાવવા વિનામૂલ્યે છત્રિ વિતરણ. દેશી ગાય આધારિત પ્રાકૃતિક ખેતી કરતા ૧ લાખથી વધુ ખેડૂતોને રૂ. ૪૮ કરોડની સહાય અપાશે. પશુપાલકોના પશુધનને ઘર આંગણે આરોગ્ય સારવાર માટે ૧પ૦ ફરતા પશુ દવાખાનાનું મુખ્યમંત્રી પ્રસ્થાન કરાવશે ૩૦ હજારથી વધુ લાભાર્થીઓને માનવ ગરિમા-માનવ કલ્યાણ યોજનામાં સ્વરોજગારી સાધનો વિનામૂલ્યે અપાશે.