Gujarati News

Gujarati News

News of Wednesday, 25th November 2020

વલસાડ એલસીબીએ પારડીથી બાઈક પરથી દારૂની હેરાફેરીનો કર્યો પર્દાફાશ : 33 હજારના દારૂ સાથે 4 બાઇક સવાર આરોપીઓ ઝડપાયા

(કાર્તિક બાવીશી દ્વારા) વલસાડ : દમણથી વલસાડ દારૂ ઘુસાડવા માટે પોલીસે કાર પકડવાની શરૂઆત કરતાં બુટલેગરો મોપેડ અને બાઇક પર દારૂની હેરાફેરી કરવાની શરૂઆત કરી હતી. જેની માહિતી મળતાં વલસાડ એલસીબીએ પારડીમાં નાકાબંધી કરી દારૂની હેરાફેરી કરતા બે મોપેડ અને બે બાઇક મળી કુલ 4 ટુવ્હિલર પકડી તેમની પાસેથી રૂ. 33 હજારનો દારૂનો જથ્થો પકડી પાડ્યો છે.

 વલસાડ ડીએસપી રાજદિપસિંહ ઝાલાની સૂચનાથી એલસીબી પીઆઇ ડી. ટી. ગામિતના માર્ગદર્શન મુજબ એએસઆઇ રૂપસિંગ નંદરિયા, એન. આર. વસાવા, કોન્સ્ટેબલો હરદેવસિંહ રણજિતસિંહ, રિતેશ ચિમનભાઇ, સ્વપ્નિલ હેમંતભાઇ અને મહેન્દ્ર જીલુભા એ બાતમીના પગલે પારડી બાલદા ગામે નાકાબંધી કરી હતી. જે દરમિયાન ત્યાંથી પસાર થતા સુઝુકી એક્સેસ મોપેડ GJ15DG1702, સુઝુકી બર્ગમેન મોપેડ GJ15DB7591, સ્પ્લેન્ડર બાઇક નં. GJ21AG5018, હિરોહોન્ડા બાઇક GJ21AE2366 અટકાવી હતી. જેની જડતી લેતાં તેમાંથી દારૂની 401 બોટલો કિં. રૂ. 33,025 ની મળી આવી હતી. જેના પગલે પોલીસે ચાલક ગુંદલાવનો રવિ અમ્રત ઠાકોર, ખજુરડી નો છના ડાહ્યા હળપતિ, સુતરનો સંજય ગણપત માછી અને ગણદેવીનો અંકિત રમેશ પટેલને પકડી તેમની વિરૂદ્ધ દારૂની હેરાફેરીનો કેસ કર્યો હતો.

(1:02 pm IST)
  • વૃંદાવનમાં વૈષ્ણવોની પરિક્રમાનો પ્રારંભ : હજારો વૈષ્ણવો જોડાયા access_time 12:52 pm IST

  • 2020 ની સાલમાં રાજકીય પાર્ટીઓએ ગુમાવ્યા દિગ્ગજ નેતાઓ : કોંગ્રેસના અહમદ પટેલ ,તરૂણ ગોગોઈ ,તથા પ્રણવ મુખરજી ,ભાજપના જસવંતસિંહ ,તથા લોક જનશક્તિ પાર્ટીના રામવિલાસ પાસવાને ચીર વિદાઈ લીધી access_time 12:44 pm IST

  • દેશમાં કોરોનાથી મૃત્યુઆંક 1.35 લાખને પાર પહોંચ્યો : રાત્રે 11-30 વાગ્યા સુધીમાં કોરોનાના નવા 42,822 કેસ નોંધાયા:કુલ કેસનો આંકડો 92,64,820 થયો :એક્ટીવ કેસ 4,49,490 થયા: વધુ 36,582 દર્દીઓ સ્વસ્થ થતા કુલ 86,77,986 રિકવર થયા :વધુ 502 લોકોના મોત સાથે કુલ મૃત્યુઆંક 1,35,245 થયો access_time 12:04 am IST