Gujarati News

Gujarati News

News of Sunday, 25th October 2020

આત્મારામ પરમાર જીતશે તો સૌરભ પટેલને મંત્રી તરીકે પડતા મુકાશે તેવો ભ્રમ કોઈ ફેલાવે નહીંઃ સી,આર.પાટીલ

ભાજપના પ્રદેશ પ્રમુખ -સી,આર, પાટીલે ગઢડામાં કરવો પડ્યો ખુલાસો

ગઢડાઃ ભાજપના પ્રદેશ પ્રમુખ ગઢડા વિધાનસભા પેટાચૂંટણીના ઉમેદવાર આત્મારામ પરમાર માટે પ્રચાર કરવા પહોંચ્યા હતા. પાટીલે ગઢડામાં કાર્યકરો સાથે બેઠક યોજી હતી. પ્રજાપતિ સમાજની વાડીના ખાત મુહૂર્તમાં હાજરી આપી હતી. આ દરમિયાન ભાજપના પ્રદેશ પ્રમુખે સૌરભ પટેલને લઈને ચાલી રહેલી અફવાઓ પર મહત્વનું નિવેદન આપ્યું હતું.

ભાજપના પ્રદેશ અધ્યક્ષ સૌરભ પાટીલે કહ્યુ કે, આ બેઠક પર આત્મારામ પટેલ જીતશે અને મંત્રી તરીકે સૌરભ પટેલને પડતા મુકવામાં આવશે તેવો ભ્રમ કોઈ ફેલાવે નહીં. સૌરભ પટેલ મંત્રી છે અને રહેશે. કોંગ્રેસ પર પ્રહાર કરતા પાટીલે કહ્યુ કે, તે હાર જોઈને હવાતિયા મારે છે. પાટીલના ગઢડા પ્રવાસ દરમિયાન પાટીદાર આંદોલન અનામત સમિતિના પૂર્વ સંગઠન પ્રભાવી દિલીપ સાબવા અને કોંગ્રેસ આગેવાન નાનુભાઈ ડાખરા ભાજપમાં જોડાયા હતા.

ગઢડા વિધાનસભા બેઠક પર દિવસેને દિવસે રાજકારણમાં ગરમાવો જોવા મળી રહ્યો છે. કોંગ્રેસ અને ભાજપના નેતાઓ મતદારો અને આગેવાનો સાથે જાહેરસભા અને ગ્રુપ મિટિંગો કરી પોતાના ઉમેદવારને જીતાડવા પ્રયાસ કરી રહ્યા છે. તયારે આજે ગુજરાત ભાજપ પ્રદેશ પ્રમુખ સી.આર.પાટીલ ગઢડાના પ્રવાસે પહોંચ્યા અને પ્રજાપતિ સમાજની વાડીના ખાત મુહૂર્ત કર્યું હતું.

(11:28 pm IST)
  • અલકાયદાનો માસ્ટરમાઈન્ડ મોહસીન અલ મિશ્રી માર્યો ગયો : આતંકી સંગઠન અલકાયદાનો માસ્ટરમાઈન્ડ મોહસીન અલ મિશ્રી અફઘાન દળોના હાથે ઠાર મરાયો છે. અફઘાનિસ્તાનના ગજની પરગણાના અંડાર જિલ્લામાં એક ઓપરેશનમાં મોહસીન માર્યો ગયાનું અફઘાન સમાચાર સંસ્થાએ જાહેર કર્યું છે. access_time 2:19 pm IST

  • સરહદ પર તૈનાત સૈનિકોના નામે દીવો પ્રગટાવજો..નરેન્દ્રભાઈ : "મન કી બાત" કાર્યક્રમમાં આજે વડાપ્રધાન નરેન્દ્ર ભાઈ મોદીએ કહ્યું હતું કે નવા કૃષિ કાયદાથી ખેડૂતોને ફાયદો થશે.. : તેમણે મનની વાત કરતા કહ્યું હતું કે સરહદ પર તૈનાત સૈનિકોના નામે દીવો પ્રગટાવજો.. : વડાપ્રધાને દેશવાસીઓને કહ્યું કે ખરીદી કરતી વખતે "વોકલ ફોર લોકલ"નો સંદેશ યાદ રાખો.. : નરેન્દ્રભાઈએ કહ્યું કે દશેરા એ સંકટ ઉપર વિજયની ઉજવણીનો ઉત્સવ છે.. access_time 2:21 pm IST

  • ઉપગ્રહો બનાવવા અને છોડવા માટે વિદેશી કંપનીઓને મંજૂરી : સ્પેસ સેક્ટરમાં વિદેશી રોકાણને ઉત્તેજન આપવા માટે ભારત સરકારે અવકાશ ક્ષેત્રે ઉપગ્રહો બનાવવા અને છોડવા માટે વિદેશી કંપનીઓને મંજૂરી આપી છે. access_time 2:20 pm IST