Gujarati News

Gujarati News

News of Sunday, 25th October 2020

એકતા પરેડમાં આવતા પીએમ વિરુદ્ધ ધમકી ભર્યા મેસેજ વાયરલ કરનારા પ્રફુલ વસાવા વિરુદ્ધ ગુનો દાખલ

(ભરત શાહ દ્વારા) રાજપીપળા : આગામી 31 ઓક્ટોમ્બરે સ્ટેચ્યુ ઓફ યુનિટી ખાતે રાષ્ટ્રીય એકતા પરેડ માટે આવનારા પી.એમ.મોદી વિરુદ્ધ ડૉ.પ્રફુલ વસાવા (રહે.વડીયા)એ પોતાના સોસીયલ મીડિયા ફેસબુક તથા વોટ્સએપ ગ્રુપમાં ધમકી ભર્યા અને ઉશ્કેરણીજનક મેસેજ વાયરલ કરતા આ મામલે નર્મદા એલ.સી.બી.ના પી.એસ.આઈ.સી.એમ.ગામીતે તેમના વિરુદ્ધ રાજપીપળા પો.સ્ટે.માં ફરિયાદ આપતા પોલીસે ગુનો દાખલ કરી તપાસ હાથ ધરી છે.તપાસ ટાઉન પી.આઈ. એન. એસ.પરમાર કરી રહ્યા છે.
  અત્રે ઉલ્લેખનીય છેકે જ્યારે સ્ટેચ્યુ ઓફ યુનિટી તરફ કોઈ પણ કાર્યક્રમ હોય ત્યારે વારંવાર વિરોધ થતો આવ્યો છે અને અગાઉ પણ પોલીસ સાથે ઘર્ષણ થયું હતું તેમ છતાં આ મામલો હજુ શાંત થતો નથી જેમાં હાલમાં પણ જ્યારે પીએમ મોદી 31 ઓક્ટોમ્બરે આવવાના હોય એ મામલે અનેક અડચણો જોવા મળતા પોલીસ આ માટે કડક કાર્યવાહી કરે છે.ત્યારે આવનારા દિવસો માં આ વિરોધ અને ઘર્ષણ ક્યાં જઈ અટકશે એ જોવું રહ્યું.

(10:20 pm IST)
  • નેસ્લે કંપની ભારતમાં જંગી રોકાણ કરશે : નેસ્લે ઈન્ડિયા કંપની આવતા ચાર વર્ષમાં તેના ઉત્પાદનને વેગ આપવા માટે ભારતમાં ૨૬૦૦ કરોડ રૂપિયાનું રોકાણ કરશે. access_time 2:19 pm IST

  • આફ્રિકાના કેમરૂનમાં આવેલી સ્કૂલમાં અંધાધૂંધ ફાયરિંગ : 9 થી 12 વર્ષની ઉંમરના 8 બાળકોના મોત : 12 બાળકો ઘાયલ તથા હોસ્પિટલમાં દાખલ : ક્લાસમાં બેસી અભ્યાસ કરતા નિર્દોષ ભુલકાંઓના હત્યારાઓ વિરુદ્ધ સમગ્ર દેશમાં પ્રકોપ : રાષ્ટ્રપતિ મૌસા ફકીરે દુઃખ વ્યક્ત કર્યું access_time 12:19 pm IST

  • બિહાર ચૂંટણીમાં ભાજપનો ઇન્ડિયન જો સતત આગળ ભાગતો જાય છે : બિહાર ચૂંટણી માટે સી વોટર અને abp સર્વેના ઓપિનિયન પોલમાં ભાજપના નેજા હેઠળના એનડીએ મોરચાને ૧૩૫થી ૧૫૯ બેઠકો અને યુપીએ મોરચાને ૭૫થી ૯૮ બેઠકો મળશે એવું દર્શાવાયું છે. access_time 2:19 pm IST