Gujarati News

Gujarati News

News of Sunday, 25th October 2020

પૂર્વ મહિલા પ્રોફેસરે પૂર્વ પ્રિન્સિપાલ સામે ફરિયાદ કરી

વાઘોડિયાની પારૂલ યુનિવર્સિટી ફરી વિવાદમાં : પૂર્વ પ્રિન્સિપલ સામે વિભત્સ માગણીની ફરિયાદ : યુનિ. દ્વારા સપ્ટેમ્બરે નવજ્યોત ત્રિવેદી-મહિલાને છૂટા કર્યા હતા

વડોદરા, તા. ૨૪ : વાઘોડિયાની પારૂલ યુનિ.ની પૂર્વ મહિલા ઓસિ. પ્રોફેસરે ફિઝિયોથેરાપીના પૂર્વે પ્રિન્સિપાલ સામે બિભત્સ માંગણીનો આક્ષેપ કરતી અરજી પોલીસને આપી હતી.

વાઘોડિયાની પારૂલ યુનિ.માં છેલ્લાં એક વર્ષથી આસિ. પ્રોફેસર તરીકે મહિલા નોકરી કરતી હતી. ડો. નવજ્યોત ત્રિવેદી પારૂલ કોલેજ કેમ્પસમાં રહેતો ત્યારે મહિલા તેના સંપર્કમાં આવી હતી. ડો. નવજ્યોત ત્રિવેદી મહિલા આસિ. પ્રોફેસર પાસે બિભત્સ માંગણીઓ કરતો હતો. મેસેજ મારફતે બન્ને વચ્ચે વાતચીત થઈ હતી. ડો. નવજ્યોત ત્રિવેદી વખતો વખત મહિલા સાથે ખરાબ વર્તન કરતો હતો.

મહિલાના અંગત માહિતી પણ ડોક્ટર મેળવતો હતો. સંદર્ભે પીએસઆઈ .જી. પરમારે જણાવ્યું હતું કે, ડો. નવજ્યોત ત્રિવેદી તે સમયે ફિઝિયોથેરાપીના પ્રિન્સિપાલ તરીકે ફરજ બજાવતા હતા. નવજ્યોત ત્રિવેદીએ તેના જવાબમાં મહિલાના આક્ષેપો ખોટા હોવાનું કહ્યું છે. મહિલાએ તેના પિતા સાથે જવાબ લખાવવા આવશે. પારૂલ યુનિ. દ્વારા ગત મહિને ડો. નવજ્યોત ત્રિવેદી અને મહિલાને નોકરીમાંથી છૂટા કર્યા હતા.

એવુ પણ ચર્ચાઈ રહ્યું છે કે, ડોક્ટર અને મહિલા આસિ. પ્રોફેસર ગતવર્ષે યુનિ.માંથી વિદ્યાર્થીઓ અને અન્ય સ્ટાફ સાથે દિલ્હી ગયાં હતા. દિલ્હીમાં ડોક્ટરે મહિલા આસિ. પ્રોફેસરને તું મને બહું ગમે છે? તેવી વાતો કરી હતી. ઉપરાંત કરિયર ખરાબ કરવાની ધમકીઓ આપી માનસિક હેરાનગતિ કરી હતી.

ડો. નવજ્યોત ત્રિવેદીએ ગત મેં મહિનામાં યુવતી વિરુદ્ધ વાઘોડિયા પોલીસને અરજી આપી હતી. અરજી સંદર્ભે પણ બંનેનો તે સમયે જવાબ લેવાતા હોવાનું પોલીસનું કહેવું છે.

(9:10 pm IST)
  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • બિહાર ચૂંટણીમાં ભાજપનો ઇન્ડિયન જો સતત આગળ ભાગતો જાય છે : બિહાર ચૂંટણી માટે સી વોટર અને abp સર્વેના ઓપિનિયન પોલમાં ભાજપના નેજા હેઠળના એનડીએ મોરચાને ૧૩૫થી ૧૫૯ બેઠકો અને યુપીએ મોરચાને ૭૫થી ૯૮ બેઠકો મળશે એવું દર્શાવાયું છે. access_time 2:19 pm IST

  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST