Gujarati News

Gujarati News

News of Tuesday, 25th September 2018

બીએની પરીક્ષામાં જૂના કોર્સનું પેપર પૂછાતાં વિદ્યાર્થી પરેશાન

એચકે આર્ટસ કોલેજમાં બનાવથી ચકચાર : આખરે એચકે આર્ટસ કોલેજની ઇન્ટર્નલ પરીક્ષામાં બીએ સેમેસ્ટર-૩માં કમ્પલસરી ઇંગ્લીશ પરીક્ષા રદ થઇ ગઈ

અમદાવાદ,તા. ૨૫ : હાલમાં કોલેજમાં ઇન્ટર્નલ પરીક્ષા ચાલી રહી છે અને કોલેજમાં પરીક્ષા દરમિયાન અનેકવાર પેપરમાં છબરડા થતા હોય છે ત્યારે આજે એચકે આર્ટ્સ કોલેજમાં ઈન્ટર્નલ પરીક્ષામાં જૂના કોર્સનું પેપર પૂછતાં વિદ્યાર્થીઓએ હોબાળો કર્યો હતો. જૂના કોર્સનું પેપર પૂછાતાં શિક્ષણજગતમાં પણ ભારે ચકચાર મચી ગઇ હતી. બીજીબાજુ, ભારે હોબાળા અને વિવાદ બાદ કોલેજ સત્તાધીશો દ્વારા આખરે બીએ સેમેસ્ટર-૩માં કમ્પ્લસરી ઇગ્લિંશના પેપરમાં જૂનું પેપર પૂછતાં કોલેજે આજની પરીક્ષા રદ કરવાની ફરજ પડી હતી. આ અંગે પ્રાપ્ત વિગતો અનુસાર આશ્રમરોડ પર આવેલી એચકે કોલેજમાં લેવાઇ રહેલી ઇન્ટર્નલ પરીક્ષામાં બીએ સેમેસ્ટર-૩માં કમ્પલસરી ઇંગ્લીશનું પેપર હતું પરંતુ આજે જૂના કોર્સનું પેપર પૂછાતાં આર્ટ્સના વિદ્યાર્થીઓએ ભારે હોબાળો મચાવી દીધો હતો. બીએ સેમેસ્ટર-૩ની આજે કોલેજની ઇન્ટર્નલ પરીક્ષા વિદ્યાર્થીઓ આપી રહ્યા હતા ત્યારે વિદ્યાર્થીઓને આપવામાં આવેલ ઇગ્લિંશના પેપરમાં જૂના કોર્સનું જ બધુ પૂછવામાં આવ્યું હતું. આ પેપરમાં જૂના સિલેબસનું પુછાતાં વિદ્યાર્થીઓએ કોલેજમાં જ વિરોધ નોંધાવ્યો હતો અને જોરદાર હોબાળો મચાવ્યો હતો. એટલું જ નહી, રોષે ભરાયેલા વિદ્યાર્થીઓ દ્વારા કોલેજ કેમ્પસમાં પરીક્ષા રદ કરવાના સૂત્રોચ્ચાર કરવામાં આવ્યા હતા. બાદમાં નારાજ વિદ્યાર્થીઓ દ્વારા કોલેજના સત્તાધીશોને રજૂઆત કરતાં બીએ સેમેસ્ટર-૩માં કમ્પ્લસરી ઇગ્લિંશનાના પેપર આજનું રદ કર્યું હતું અને આ પેપરની પરીક્ષા હવેઆગામી તા.પ ઓક્ટોબરના રોજ લેવાનું જાહેર કરવામાં આવ્યું હતું.

(7:28 pm IST)
  • ઇન્કમટેક્સ અને ઓડિટ રિપોર્ટ ફાઈલ કરવા માટેની મુદત 15મી ઓક્ટોબર સુધી લંબાવાઈ :વેપારીઓને રાહત આપતો સીબીટીડીની ચુકાદો access_time 8:10 pm IST

  • છોટા ઉદેપુર: પાવિ જેતપુર પોલીસ સ્ટેશનમાં લાગેલા સીસીટીવી તમામ બંધ હાલતમા :પોલીસ ને પૂછતા જણાવ્યું કે લગાવ્યા ત્યાર થી ચાલતા જ નથી access_time 1:20 pm IST

  • અમદાવાદ:સી ટી એમ પુવઁદીપ સોસાયટી પાસે અકસ્માત:બી આર ટી એસ બસ સ્ટોપ પાસે એસ ટીની બસએ આધેડ સાઈકલ સવારને કચડ્યો :ઘટના પર જ સ્થાનિક આધેડનું મોત:નોકરી થી પરત ઘર એ આવી રહ્યો હતા આધેડ ત્યારે સર્જાયો અકસ્માત:પોલીસ ઘટના સ્થળે પહોંચી access_time 1:06 am IST