Gujarati News

(ભરત શાહ દ્વારા) રાજપીપળા :  ડેડીયાપાડા તાલુકાના ગુલદાચામ ગામની  સ્નેહાબેનને પ્રસુતિની પીડા ઉપાડતા તેમણે 108 ઉપર કોલ કરતા ડેડીયાપાડાથી ઈ એમ ટી તુષાર વસાવા અને પાયલોટ રસિક વસાવા એમ્બ્યુલન્સ લઈ ગુલદાચામ ગામે પોહચી ગયા હતા, ત્યાંથી એસ ડી એચ હોસ્પિટલ ડેડીયાપાડા લઈ જતા રસ્તામાં સગર્ભાને પ્રસુતિની પીડા વધી જતા ઈ એમ ટી તુષાર વસાવા એ એમ્બ્યુલન્સ સાઈડમા ઉભી રખાવી તપાસ કરી, જેમાં પ્રસુતિનો સમય થય ગયો હોય તેમ લાગતું હતું જેથી ઈ એમ ટી એ એમ્બ્યુલન્સ મા આવતી ડિલિવરી કીટનો ઉપયોગ કરી સફળતા પૂર્વક 108 એમ્બ્યુલન્સ મા ડિલિવરી કરાવી. જેમાં માતા અને બાળકને એસ ડી એચ હોસ્પિટલ ડેડીયાપાડા ખાતે દાખલ કરાયા હતા અને માતા બાળક  સ્વસ્થ હોવાનું હોસ્પિટલ માંથી જાણવા મળ્યું છે.