Gujarati News

Gujarati News

News of Saturday, 25th May 2019

અમદાવાદ સહિતના અનેક ભાગોમાં પારો ૪૨થી ઉપર

સુરેન્દ્રનગરમાં પારો સૌથી ઉપર ૪૨.૮ સુધી રહ્યો : હિટવેવની ચેતવણી જારી ન થઇ પરંતુ તીવ્ર ગરમીનું મોજુ

અમદાવાદ,તા.૨૫ :  અમદાવાદ સહિત ગુજરાતમાં ગરમીનું પ્રમાણ અકબંધ રહ્યું છે અને લોકો ત્રાહિમામ પોકારી ગયા છે. રાજ્યના મોટાભાગના વિસ્તારોમાં પારો ૪૦થી ૪૨ સુધી રહ્યો છે. આજે પણ અમદાવાદમાં મહત્તમ તાપમાન ૪૨ ડિગ્રી સુધી રહ્યું હતું. બપોરના ગાળામાં લોકોએ કાતિલ ગરમીનો અનુભવ કર્યો હતો અને લોકોએ બહાર નિકળવાનું ટાળ્યું હતું. અમદાવાદ ઉપરાંત રાજ્યના જે ભાગોમાં પારો ૪૨થી ઉપર રહ્યો હતો તેમાં અમદાવાદમાં ૪૨, ગાંધીનગરમાં ૪૨, રાજકોટમાં ૪૨.૧, સુરેન્દ્રનગરમાં ૪૨.૮ અને કંડલા એરપોર્ટ ખાતે પારો ૪૨.૨ સુધી રહ્યો હતો. હિટવેવને લઇને કોઇપણ પ્રકારની ચેતવણી જારી કરવામાં આવી નથી પરંતુ લોકો ગરમીના કારણે ત્રાહિમામ પોકારી ગયા છે. આજે અમદાવાદમાં પારો ૪૨ રહ્યા બાદ આવતીકાલે પણ ગરમીથી કોઇ રાહત નહીં મળે તેવા સંકેત છે.  બીજી બાજુ જનજીવન ઉપર પણ આની સીધી અસર થઇ હતી. બપોરના ગાળામાં રસ્તા સુમસામ દેખાતા તેની ચર્ચા લોકોમાં રહી હતી. બીજી બાજુ તંત્રએ તીવ્ર ગરમીને ટાળવા માટેની ચેતવણી સામાન્ય લોકો માટે જારી કરી છે. જેથી લોકો પણ સાવચેત થયા છે. વધતી જતી ગરમી વચ્ચે કોર્પોરેશન તરફથી કહેવામાં આવ્યું છે કે હાલમાં વાયરલ ઈન્ફેકશન અને ગરમીથી બચવા માટે લોકોએ કામ વગર બપોરના ગાળામાં ઘરથી બહાર નીકળવું જોઈએ નહીં. સાથે સાથે સાથે વધુ પ્રમાણમાં પાણી, છાશ અને પ્રવાહીનું સેવન કરવું જોઈએ. હળવા રંગના સુતરાઉ કપડા પહેરવા અને તડકામાં ફરવાનું  ટાળવું જોઈએ. બિનજરૂરીરીતે કામ વગર બહાર ન નિકળવા માટે પણ કહેવામાં આવ્યું છે. બાળકો અને મોટી વયના લોકોને વિશેષ સાવચેતી રાખવા માટે કહેવામાં આવ્યું છે. અમદાવાદ સહિત રાજ્યભરમાં ફરી એકવાર જોરદાર ગરમીનુ મોજુ ફરી વળ્યું છે. પારો ૪૨થી ઉપર પહોંચી ગયો છે. આગામી બે દિવસ દરમિયાન મહત્તમ તાપમાનમાં કોઇ ફેરફાર થયાની શક્યતા નહીંવત દેખાઈ રહી છે. અમદાવાદમાં આજે પારો ૪૨ સુધી પહોંચતા બપોરના ગાળામાં તીવ્ર ગરમીનો અનુભવ લોકોએ કર્યો હતો. હાલમાં હવામાનમાં પલટા વચ્ચે કેટલીક જગ્યાઓએ કમોસમી વરસાદ થયો હતો. ગરમીમાં હજુ કોઇ ઘટાડો થવાના  સંકેતો નથી. તીવ્ર ગરમી વચ્ચે અમદાવાદ શહેરમાં બપોરના ગાળામાં મોટાભાગના રસ્તાઓ સુમસામ દેખાયા હતા. જરૂરી કામ હોવાથી જ લોકો બહાર નિકળ્યા હતા.

ક્યાં કેટલું તાપમાન.....

અમદાવાદ, તા. ૨૫ :  રાજ્યના જુદા જુદા ભાગોમાં મહત્તમ તાપમાન ક્યાં કેટલું નોંધાયું તે નીચે મુજબ છે.

સ્થળ

મહત્તમ તાપમાન

અમદાવાદ

૪૨

ડિસા

૪૧.૨

ગાંધીનગર

૪૨

વીવીનગર

૪૧.૧

વડોદરા

૪૧.૫

સુરત

૩૫.૮

વલસાડ

૩૪.૪

અમરેલી

-

ભાવનગર

૩૯.૨

રાજકોટ

૪૨.૧

સુરેન્દ્રનગર

૪૨.૮

ભુજ

૪૧.૪

કંડલા એરપોર્ટ

૪૨.૨

 

(9:30 pm IST)
  • કોંગ્રેસ કારોબારીમાં કમલનાથની ગેરહાજરીથી અનેક તર્કવિતર્ક : પંજાબ અને રાજસ્થાનના મુખ્યમંત્રી હાજર છે access_time 3:29 pm IST

  • અમેરિકાએ આપેલો સમય સમાપ્ત થતા ભારતે ઈરાન પાસેથી ઓઈલ ખરીદવાનું બંધ કર્યુ : ભારતીય રાજદૂતની જાહેરાત access_time 1:11 pm IST

  • સુરત મૃત્યુ આંક.21 થયો :21 બાળકોની લાશો આગમાં ભડથું: પીએમ મોદી આવતીકાલે સુરતની મુલાકાત લે તેવી અટકણો તેજ સમગ્ર રાજ્ય સાથે દેશભરમાં હચમચાવનારી બની છે ઘટના access_time 12:55 am IST