Gujarati News

Gujarati News

News of Saturday, 25th May 2019

સરકારને હવામાન શાસ્ત્રીઓનો વર્તારો, નવી આગાહી જુન પ્રારંભે

ગુજરાતમાં તા.૧પ થી ૧૮ જુન વચ્ચે મેઘરાજા દ્વાર ખટખટાવશે

સૌરાષ્ટ્રમાં જુન ઉતરાર્ધમાં ચોમાસુ જામવાના એંધાણ

રાજકોટ, તા., ૨૫: ધોમધખતો ઉનાળો હવે પુરો થવા તરફ છે. ટુંક સમયમાં મેઘરાજાનું આગમન થશે. ગુજરાતમાં સામાન્ય રીતે ૧પ જુન આસપાસ ચોમાસુ બેસે છે. આ વખતે પણ એ સમયગાળો જળવાઇ રહે તેવા એંધાણ છે.

સરકારના વર્તુળના જણાવ્યા મુજબ તા.૧પ થી ૧૮ જુન વચ્ચે દક્ષિણ ગુજરાતમાં મેઘસવારી આવી પહોંચશે. ત્યાર બાદ અઠવાડીયામાં સૌરાષ્ટ્રમાં ચોમાસુ જામે તેવા એંધાણ છે. ૧પ જુન પહેલા ગમે ત્યારે છુટો છવાયો વરસાદ થઇ શકે છે. આ વખતે સારા ચોમાસાની આશા છે. જો અત્યારના વર્તારા મુજબ ૧પ જુન પછી નજીકમાં જ મેઘસવારી આવી પહોંચે તો જુન અંતમાં વાવણીની શરૂઆત થઇ જશે. હાલ હવામાન શાસ્ત્રીઓ ૧પ થી ૧૮ વચ્ચે સુરત, તાપી, ડાંગ વિગેરે વિસ્તારોમાં વરસાદની શકયતા જોવે છે. વરસાદ અંગેની નવી આગાહી જુનના પ્રારંભે થશે. રાજયના મહેસુલી તંત્રએ ચોમાસા પુર્વેની તમામ તૈયારી માટે કમર કસી છે. (૪.૪)

(11:49 am IST)
  • દાભોલકર હત્યાકાંડ :સીબીઆઈ દ્વારા બચાવપક્ષના વકીલ સહીત અન્ય એક વ્યક્તિની ધરપકડ : સીબીઆઈએ નરેન્દ્ર દાભોલકર હત્યાકાંડના કેટલાક આરોપનો બચાવ કરતા વકીલની ધરપકડ કરી ; અન્ય એક શખ્શને પણ ઝડપી લીધો access_time 12:48 am IST

  • સુરતમાં આગની ગોઝારી દુર્ઘટનામાં ફાયરબ્રિગેડના બે અધિકારીઓ સસ્પેન્ડ : સબફાયર ઓફીસર કિર્તી મોઢ અને એસ.કે. આચાર્ય ફરજમાં બેદરકારી બદલ તાત્કાલીક અસરથી સસ્પેન્ડ : કલેકટરે કરી મોટી કાર્યવાહી access_time 5:37 pm IST

  • પ૪ર માંથી ૩૦૦ સાંસદ પહેલીવાર અને ૧૯૭ બીજીવાર લોકસભા પહોંચ્યા : એનડીએના ૬ પ્રધાનો હાર્યા : ભાજપને ૩૦૩, કોંગ્રેસને પર, ર૩ બેઠક સાથે ડીએમકે ત્રીજા ક્રમે અને રર-રર બેઠકો સાથે વાયએસઆર કોંગ્રેસ અને તૃણમુલ : ૧૭મી લોકસભામાં પહોંચનાર સાંસદોની સરેરાશ ઉંમર પ૪ વર્ષ : ૧ર ટકા સાંસદો ૪૦ વર્ષથી ઓછી ઉંમરના : ૩૯ ટકા સાંસદ રાજકારણ, ૩૮ ટકા ખેડૂત, ર૩ ટકા વેપારી, ૪ ટકા વકીલ, ૪ ડોકટર, ૩ કલાકાર અને ર ટકા પ્રાધ્યાપક છે access_time 3:30 pm IST