Gujarati News

Gujarati News

News of Friday, 25th May 2018

અંકલેશ્વર- ભરૂચ નેશનલ હાઇવે પર ખરોડા પાસે વોલ્વો બસ અને ડમ્પર વચ્ચે અકસ્માત:બેને ઇજા

ડમ્પર અચાનક ધીમું પડતા પાછળથી આવતી વોલ્વો ધડાકાભેર અથડાઈ :બસ ઓટોલોક થતા મુસાફરો ફસાયા :કાચ તોડીને બહાર નીકળ્યા

અંકલેશ્વર- ભરૂચ નેશનલ હાઇવે પર ખરોડા પાસે વોલ્વો બસ અને ડમ્પર વચ્ચે અકસ્માત:બેને ઇજા

 

અંકલેશ્વર ભરૂચ નેશનલ હાઇવે પર ખરોડા પાસે હિલ્ટન હોટલ નજીક સુરત થી અમદાવાદ જતી વોલ્વો બસ અને ડમ્પર વચ્ચે અકસ્માત સર્જાયો હતો જેમાં વોલ્વોના ડ્રાઇવર અને કંડક્ટરને ગંભીર ઇજાઓ થતા બંન્નેવને સારવાર અર્થે હોસ્પીટલમાં ખસેડાયા હતા.

  જાણવા મળતી વિગત મુજબ અંકલેશ્વર ભરૂચ વચ્ચે નેશનલ હાઇવે પર ખરોડા નજીક, હોટલ હિલ્ટન પાસે સુરત થી અમદાવાદ તરફ આવી રહી હતી ત્યારે ડમ્પરના ચાલકે ડમ્પર અચાનક ધીમું કરતા  પાછળ આવતી વોલ્વો બસ ભટકાય હતી. જેમાં બસના ડ્રાઈવર અને ક્લીનરને ગંભીર ઇજા પહોંચી હતી.

 અકસમાતના પગલે વોલ્વો બસ ઓટો લોક થતા મુસાફરો બસમાં અંદર ફસાઈ જતા જીવ પડીકે બંધાઈ ગયા હતા.જો કે, મુસાફરો બસના કાચ તોડી બહાર નીકળ્યા હતા. ઘટનાને પગલે ૧૦૮ની ટીમ ઘટના સ્થળે પહોંચી હતી અને બસનો આગળનો કાચ તોડી ડ્રાઈવર, ક્લીનરને બહાર કાઢી તેમજ બસના મુસાફરો કે જેમને સામાન્ય ઇજાઓ પહોંચી હતી તેમને પણ બહાર કાઢી પ્રાથમિક સારવાર આપી હતી.અકસ્માતમાં ઘાયલ ડ્રાઇવર અને કંડકટરને વધુ સારવાર અર્થે જયાબેના મોદી હોસ્પીટલમાં ખસેડાયા છે. બનાવ અંગે અંકલેશ્વર રૂરલ પોલીસ વધુ તપાસ ચલાવી રહી છે.

 

(1:37 am IST)
  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST

  • અમદાવાદ : EDએ એબીસી કોટ્સપીન પ્રાઈવેટ લિમિટેડની રૂ. 14.5 કરોડ લાખની સંપત્તિ જપ્ત કરી : કંપની અને તેના ડિરેક્ટર આશિષ જોબનપુત્રાએ મળીને 804 કરોડ રૂપિયાની છેતરપિંડી અમદાવાદની બેન્ક ઓફ બરોડા અને ગોંડલની સ્ટેટ બેન્ક ઓફ ઇન્ડિયા સાથે કરી હતી : અગાઉ આ મામલે સીબીઆઈએ કેસ કરેલો છે access_time 4:50 pm IST

  • ઓરિસ્સાના રાજ્યપાલ બન્યા હરિયાણાના પૂર્વ મંત્રી પ્રો,ગણેશીલાલ :વર્ષ 2007થી 2010 સુધી પાર્ટીએ તેઓને ઝારખંડના સહપ્રભારી બનાવ્યા હતા "વર્ષ 2014માં વિધાનસભા ચૂંટણીમાં ભાજપની ચુત્નેય કમિટીમાં મહત્વનું સ્થાન હતું ;ચૂંટણી ઢંઢેરા સમિતિ અને સ્ક્રીનિંગ કમિટીના ચેરમેન બનાવાયા હતા access_time 1:18 am IST