Gujarati News

Gujarati News

News of Friday, 25th May 2018

ધોરણ ૧૦ બોર્ડ પરીક્ષાનું પરિણામ ૨૮મીએ જાહેર

વિદ્યાર્થીઓ અને વાલીઓમાં ભારે ઉત્સુકતા ફેલાઈ : ધોરણ-૧૨ સામાન્ય પ્રવાહનું પરિણામ ૩૧મી મેના રોજ જાહેર કરવા નિર્ણય કરાયો : એજ દિવસે માર્કશીટ મળશે

અમદાવાદ,તા. ૨૫ : ગુજરાતી માધ્યમિક અને ઉચ્ચત્તર માધ્યમિક બોર્ડ દ્વારા માર્ચ-ર૦૧૮માં લેવાયેલી ધોરણ-૧ર સામાન્ય પ્રવાહની પરીક્ષાના પરિણામની તારીખ આજે બોર્ડ દ્વારા સત્તાવાર રીતે જાહેર કરવામાં આવી હતી. જે મુજબ, તા.૩૧મી મેના રોજ શિક્ષણ બોર્ડની વેબસાઇટ પર ધોરણ-૧૨ સામાન્ય પ્રવાહનું પરિણામ જાહેર કરવામાં આવશે. ઉપરાંત એપ્રિલ ર૦૧૮માં સેમેસ્ટર સિસ્ટમની પરીક્ષા લેવાઇ હતી, તેનું પરિણામ પણ જાહેર કરવામાં આવશે.  ધોરણ ૧૨ સામાન્ય પ્રવાહના પરિણામની માર્કશીટનું વિતરણ જિલ્લા વિતરણ સ્થળો પર તા. ૩૧મેના રોજ સવારે ૧૧ કલાકથી ૪ વાગ્યા સુધી થશે. આ સિવાય સવારે ૮ વાગ્યે ડબલ્યુડબલ્યુડબલ્યુ. જીએસઇબી.ઓઆરજી પર પણ પરિણામ મુકવામાં આવશે, જે વિદ્યાર્થીઓ અને વાલીઓ ઓનલાઇન ઘેરબેઠા પણ જોઇ શકશે. ઉલ્લેખનીય છે કે, ધોરણ-૧૨ સામાન્ય પ્રવાહની પરીક્ષા ૪.૭૫ લાખ જેટલા વિદ્યાર્થીઓએ આપી હતી. ધોરણ-૧૨ના સામાન્ય પ્રવાહના બે દિવસ પહેલાં એટલે કે, તા.૨૮મી મેના રોજ ધોરણ-૧૦નું પરિણામ જાહેર થનાર છે. આમ, બે બે દિવસના અંતરમાં બોર્ડના બે પરિણામ જાહેર થનારા હોઇ વિદ્યાર્થીઓ અને વાલીઓમાં ભારે ઉત્તેજના ફેલાઇ છે. ઉલ્લેખનીય છે કે, શિક્ષણ વિભાગ દ્વારા ર૦૧૧ના વર્ષથી ધો.૧ર સામાન્ય પ્રવાહ, વિજ્ઞાન પ્રવાહ, ઉચ્ચતર ઉત્તર બુનિયાદી પ્રવાહ, વ્યવસાયલક્ષી પ્રવાહની સેમેસ્ટર સિસ્ટમ અમલમાં મુકાઇ હતી ત્યાર બાદ શિક્ષણ વિભાગે ર૦૧૬-૧૭ના શૈક્ષણિક સેમેસ્ટર સિસ્ટમને રદ કરી હતી. તેવા સંજોગોમાં ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા નિર્ણય લેવાયો હતો કે બોર્ડ દ્વારા સેમેસ્ટર પદ્ધતિમાં નાપાસ થયા હોય અને પરીક્ષા આપવાની પાત્રતા ધરાવતા હોય તેવા વિદ્યાર્થીઓ માટે આ ખાસ સેમેસ્ટર પરીક્ષાનું આયોજન કરાયું હતું. આ પરીક્ષા જિલ્લાના અલગ અલગ મથકો પર લેવાઇ હતી.

અત્રે ઉલ્લેખનીય છે કે, સેમેસ્ટર સિસ્ટમ રદ કર્યા બાદ ત્રણથી ચાર લાખ જેટલા વિદ્યાર્થી નાપાસ થયા હતા તેમજ ગેરહાજર રહ્યા હોય અથવા કોપી કેસ કે અન્ય પ્રકારના ગેરરીતિના કિસ્સામાં પકડાયા હોય તેવા તમામ વિદ્યાર્થીઓનું પરિણામ તા.૩૧મી મેના રોજ શિક્ષણ વિભાગની વેબસાઇટ પર જોવા મળશે. વિદ્યાર્થીઓને આ પરિણામ પણ  ડબલ્યુડબલ્યુડબલ્યુ. જીએસઇબી.ઓઆરજી નામની વેબસાઇટ પર સવારે ૮ વાગ્યાથી જોવા મળશે.

(7:40 pm IST)
  • ઓરિસ્સાના રાજ્યપાલ બન્યા હરિયાણાના પૂર્વ મંત્રી પ્રો,ગણેશીલાલ :વર્ષ 2007થી 2010 સુધી પાર્ટીએ તેઓને ઝારખંડના સહપ્રભારી બનાવ્યા હતા "વર્ષ 2014માં વિધાનસભા ચૂંટણીમાં ભાજપની ચુત્નેય કમિટીમાં મહત્વનું સ્થાન હતું ;ચૂંટણી ઢંઢેરા સમિતિ અને સ્ક્રીનિંગ કમિટીના ચેરમેન બનાવાયા હતા access_time 1:18 am IST

  • અમદાવાદ : EDએ એબીસી કોટ્સપીન પ્રાઈવેટ લિમિટેડની રૂ. 14.5 કરોડ લાખની સંપત્તિ જપ્ત કરી : કંપની અને તેના ડિરેક્ટર આશિષ જોબનપુત્રાએ મળીને 804 કરોડ રૂપિયાની છેતરપિંડી અમદાવાદની બેન્ક ઓફ બરોડા અને ગોંડલની સ્ટેટ બેન્ક ઓફ ઇન્ડિયા સાથે કરી હતી : અગાઉ આ મામલે સીબીઆઈએ કેસ કરેલો છે access_time 4:50 pm IST

  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST