Gujarati News

રાજકોટ, તા., ૨૫: ૧૦ હજારથી વધુ બીઝનેસમેનોના સંગઠન ગ્લોબલ પાટીદાર બિઝનેસ ઓર્ગેનાઇઝેશનનો કાલથી શુભારંભ કાર્યક્ર અમદાવાદ ખાતે યોજાયો છે. સરદારધામ-વિશ્વ પાટીદાર સમાજ દ્વારા મિશન ર૦ર૬ અંતર્ગત પ્રથમ હરોળના ૧૦ હજારથી વધુ બિઝનેસમેનોના સંગઠન ગ્લોબલ પાટીદાર બિઝનેસ ઓર્ગેનાઇઝેશનનો તા.ર૬ ના શનિવારે સાંજે ૬.૩૦ કલાકે (પ્રવેશ આમંત્રીતો માટે) ગુજરાત યુનિવર્સિટી કન્વેન્શન હોલ, હેલ્મેટ સર્કલ પાસે અમદાવાદ ખાતે ભવ્ય શુભારંભ કાર્યક્રમ યોજાશે.

સમારંભના અધ્યક્ષ મુખ્યમંત્રી વિજયભાઇ રૂપાણી છે જયારે સમારંભનું ઉદઘાટન નાયબ મુખ્યમંત્રી નીતીનભાઇ પટેલ, રામકૃષ્ણ એકસપોર્ટ સુરતના ચેરમેન ગોવિંદભાઇ ધોળકીયા, તેમજ દિપ પ્રાગ્ટય મોન્ટેકાલો ગૃપ અમદાવાદના કનુભાઇ પટેલ, કિરણ જેમ્સ પ્રા.લી. મુંબઇના વલ્લભભાઇ લી.ના હસ્તે થશે.

ગ્લોબલ પાટીદાર બીઝનેસ ઓર્ગેનાઇઝેશનનો મુખ્ય ઉદેશ એક બીજા સાથે નેટવર્કીગ દ્વારા વેપાર-ઉદ્યોગમાં પરસ્પર ઉપયોગી થવું, સમાજમાં નવા ઉદ્યોગ સાહસીકો તૈયાર કરવામાં ઉપયોગી થવુ, શિક્ષીત અને દિક્ષીત યુવાઓને સન્માન સાથે રોજગારીની તકો પુરી પાડવામાં ઉપયોગી થયું છે.