Gujarati News

Gujarati News

News of Friday, 25th May 2018

રાજપીપળામાં BPL પરિવારોને મફતમાં વીજ કનેક્શન બાદ બે વર્ષે 15 થી 20 હજારના બિલ ફટકારતા ઉહાપોહ

એકસામટા 24 મહિનાનું વીજ બિલથી ગરીબ પરિવારોમા ચિંતાનું મોજું

રાજપીપળામાં BPL પરિવારોને મફતમાં વીજ કનેક્શન  બાદ બે વર્ષે 15 થી 20 હજારના બિલ ફટકારતા ઉહાપોહ

રાજપીપળા :નગરપાલિકા વિસ્તારમાં રહેતા BPL પરિવારોને મફત વીજ કનેકશનની જાહેરાત બાદ ર્ષ 2016માં રાજપીપળામાં મફત કનેક્શન અપાયા હતા.બાદમાં આ પરિવારોને ત્યાં 2 વર્ષ સુધી કોઈ બીલ આપવામાં આવ્યા નહોતા જોકે 22 મેં 2018 ના રોજ એક સાથે 24 મહિનાના મોટી રકમના બીલ ફટકારાતાં ગરીબ પરિવારોમાં હાહાકાર વ્યાપ્યો છે.

  રાજપીપલાના નવાફળીયા, કાછીયાવાડ, સિંધીવાડ વિસ્તારના BPL પરિવારોને 15 થી 20 હજારના એક સામટા વીજબીલો વીજકંપનીએ ફટકારતાં ગરીબ પરિવારોમાં ભારે ચિંતાનું મોજું ફરી વળ્યું છે.

  નવાફળિયાનાં રહીશ અને દરજીકામ કરતા શબીર મન્સૂરીને 24 મહિનાના 2111 યુનિટના ચાર્જ પેટે રૂપિયા 15801 નું બીલ, દીપેશ તડવીને 2681 યુનિટના ચાર્જ પેટે રૂપિયા 20,275 અને ગણેશ માછીને 2270 યુનિટનાં વપરાશ પેટે રૂપિયા 17,849ના અધધધ બીલો ફટકારતાં જ હવે આ વીજબીલો કેમ ભરવા તેની ચિંતામાં આ પરિવારો મુકાયા છે.

(10:50 am IST)
  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • સુપ્રીમ કોર્ટમાં તામિલનાડુના તુતીકોરીનમાં સ્ટરલાઇટ વિરુદ્ધ રેલી દરમિયાન પ્રદર્શનકારીઓને મોત મામલે કોર્ટની દેખરેખ હેઠળ સીબીઆઈ તપાસની માંગ :વકીલ જીએસ મણીએ જનહિત અરજી દાખલ કરી :અરજીમાં તુતીકોરીન જિલ્લાધીશ,પોલીસ અધિક્ષક,અને અન્ય પોલીસ અધિકારીઓ વિરુદ્ધ હત્યાના આરોપ ઘડવા અનુરોધ કર્યો છે :આગામી સપ્તાહે સુનાવણી access_time 1:04 am IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST