News of Friday, 25th May 2018

છોટા ઉદેપુરના બારીયા રોડ પાસે ટ્રક ઘરમાં ઘુસી જતા ત્રણના મોત

ઓસરીમાં સુતેલા ત્રણ લોકો ઉપર ટ્રક ફરી વળ્યો : ડ્રાયવર ફરાર : રોષે ભરાયેલ ટોળાની ટ્રકમાં તોડફોડ

છોટા ઉદેપુરના બારીયા રોડ પાસે એક ટ્રક મકાનમાં ઘૂસી જતા ત્રણ લોકોનાં મોત નિપજ્યાં છે આ અંગે મળતી વિગત મુજબ બારીયા રોડ ટ્રકના ડ્રાઇવરે કાબૂ ગુમાવતાં રોડ પાસેના એક ઘરમાં ટ્રક ઘુસી ગયો હતો. ઘરના આગળના ભાગમાં આવેલ ઓસરીમાં ત્રણ વ્યક્તિઓ સુતા હતા.જેમાં એક મહિલા, પુરૂષ અને બાળકનું ટ્રક અકસ્માતમાં મોત નિપજ્યું છે

   આ ઘટના બાદ ટ્રકનો ડ્રાઇવર ટ્રક મુકીને ફરાર થઇ ગયો છે. જો કે દૂર્ઘટના બાદ સ્થાનિકોમાં રોષ જોવા મળ્યો હતો. રોષે ભરાયેલા ટોળાએ ટ્રકમાં તોડફોડ કરી હતી.

  આ ઘટનાની જાણ થતાં પોલીસ ઘટના સ્થળે પહોંચી ગઇ હતી અને પરિસ્થિતિને નિયંત્રણમાં લાવી દીધી હતી. પોલીસે અકસ્માત ચાલક વિરુધ્ધ અકસ્માતનો ગુનો નોંધી તપાસ હાથ ધરી છે.

(10:11 am IST)
  • રમઝાનમાં યુધ્ધવિરામનું ઉલ્લંઘન સહન નહિ થાય :જમ્મુ-કાશ્મીરના મુખ્યમંત્રી મહેબુબા મુફ્તીની પાકિસ્તાનને ચેતવણી: પાકિસ્તાન રામઝાનથી જોડાયેલ ભાવનાઓનું સન્માન કરે અને સીમા પર સંઘર્ષ વિરામનું ઉલ્લંઘન અટકાવે તેમ સરહદી ક્ષેત્રોમાં પ્રભાવિત લોકોની મુલાકાત દરમિયાન મહેબુબા મુફ્તીએ કહ્યું હતું access_time 1:21 am IST

  • સુપ્રીમ કોર્ટમાં તામિલનાડુના તુતીકોરીનમાં સ્ટરલાઇટ વિરુદ્ધ રેલી દરમિયાન પ્રદર્શનકારીઓને મોત મામલે કોર્ટની દેખરેખ હેઠળ સીબીઆઈ તપાસની માંગ :વકીલ જીએસ મણીએ જનહિત અરજી દાખલ કરી :અરજીમાં તુતીકોરીન જિલ્લાધીશ,પોલીસ અધિક્ષક,અને અન્ય પોલીસ અધિકારીઓ વિરુદ્ધ હત્યાના આરોપ ઘડવા અનુરોધ કર્યો છે :આગામી સપ્તાહે સુનાવણી access_time 1:04 am IST

  • મણિપુર અને પાંચ કેન્દ્ર શાસિત રાજ્યોમાં ઈ-વે બિલ પ્રણાલી લાગુ :રાજ્યમાં 50 હજાર રૂપિયાથી વધુના સામાનના પરિવહન માટે ઈ-વે બિલ જરૂરી બનશે :હવે રાજ્યની અંદર વસ્તુઓની હેરફેર માટે ઈ-વે બિલ પ્રણાલી 27 રાજ્યો સહીત કેન્દ્ર શાસિત પ્રદેશમાં લાગુ થઇ ગઈ છે :શુક્રવારે જે રાજ્યોમાં આ પ્રણાલી લાગુ કરાઈ તેમાં ચંદીગઢ,આંદામાન અને નિકોબાર દ્વીપ સમૂહ। દાદરાનગર હવેલી।દમણ અને દીવ અને લક્ષદ્વીપ સામેલ છે access_time 1:24 am IST