Gujarati News

અમદાવાદ :રાઈટ ટુ એજ્યુકેશન' હેઠળ ખાનગી શાળામાં ગરીબ બાળકોના પ્રવેશ માટે વાલીઓમાં મોટી સંખ્યામાં ધસારો જોવાયો છે અત્યાર સુધીમાં અમદાવાદ શહેરમાં ૨૦,૦૦૦ અને અમદાવાદ ગ્રામ્યમાં પણ ૨૦,૦૦૦ કરતા વધુ ઓનલાઈન ફોર્મ ભરવામાં આવ્યા છે. અમદાવાદ જિલ્લામાં ભરાયેલા આશરે ૪૦,૦૦૦ ફોર્મમાંથી ૩૦,૦૦૦થી વધુ ફોર્મ ડીઈઓ - ડીપીઈઓના માધ્યમથી એપ્રુવ પણ કરી દેવાયા છે.

આરટીઈ હેઠળ ઓનલાઈન ફોર્મ ભરવાનો ગુરૂવારે આખરી દિવસ હતો. ત્યારે ફોર્મની કોપી અને જરૂરી ડોક્યુમેન્ટ નિયત રીસીવિંગ સેન્ટર ખાતે જમા કરાવવા જરૂરી હતી. તેની સમય મર્યાદા ૨૬ એપ્રિલથી વધારીને ૨૯ એપ્રિલ કરી દેવાઈ છે. સાથે જ ૧ મે સુધીમાં તમામ ઓનલાઈન જમા કરાવાયેલા ફોર્મની ડીઈઓ - ડીપીઈઓના માધ્યમથી ચકાસણી કરીને એપ્રુવ કરવાના રહેશે.

  ત્યારબાદ ૬ના રોજ બાળકોને સ્કુલ પ્રવેશ આપવાની પ્રક્રિયા શરુ કરવામાં આવશે અને જે તે શાળા ખાતે વાલીઓએ ૧૩ મે સુધીમાં તમામ દસ્તાવેજ સાથે હાજર થઈને પ્રવેશ કન્ફર્મ કરવાનો રહેશે.આરટીઈ હેઠળ પ્રવેશ પ્રક્રિયામાં વિલંબ થઇ રહ્યો છે. ત્યારે હાલ મળી રહેલા આંકડા મુજબ આશરે ૧,૮૦,૦૦૦ જેટલા ઓનલાઈન ફોર્મ અત્યાર સુધી ભરવામાં આવ્યા છે. સાથે જ સરકાર દ્વારા ૧,૧૭,૦૦૦ ગરીબ બાળકોને ખાનગી શાળામાં પ્રવેશ ફાળવવામાં આવશે.