Gujarati News

Gujarati News

News of Monday, 25th March 2019

સુરતના અલથાણામાં પુત્રીએ ફોન લોક કરતા દંપતી વચ્ચે ઝઘડો :પતિએ ગળેફાંસો ખાઈને કર્યો આપઘાત

પુત્રી દીપિકાને તમાચો મારતા પત્ની પવિત્રા રમેશ સાથે બાખડી

સુરતના અલથાણામાં પુત્રીએ મોબાઇક ફોનને લોક કરવા જેવી બાબતમાં પતિ-પત્ની વચ્ચે ઝઘડો થયો હતો. જેનું માઠું લાગી આવતા પતિએ ફાંસો ખાઇને આત્મહત્યા કરી હતી. પુત્રીએ મોબાઇલ ફોન લોક કરી દેવાને લઇને પત્ની સાથે થયેલી માથાકૂટ બાદ અલથાણના યુવાને ફાંસો ખાઇને આત્મહત્યા કરી હતી.

  મળતી માહિતી પ્રમાણે સુરતના અલથાણ ખાતેની હરીઓમ સોસાયટીમાં રહેતા 34 વર્ષીય રમેશ કટક ખડકાએ સાંજે ઘરની બહાર ફાંસો ખાઇને જીવન ટૂંકાવ્યું હતું. રમેશની પુત્રી દીપિકાએ તેનો મોબાઇલ ફોન લોક કરી લીધો હતો.

  જેને લીધે તેણે પુત્રી દીપિકાને તમાચો મારતા પત્ની પવિત્રા રમેશ સાથે બાખડી હતી. ત્યારબાદ તેને માઠું લાગી આવતા પત્ની અને બાળકોને રૂમમાં બંધ કરીને ઘરની બહાર ફાંસો ખાઇ આપઘાત કરી લીધો હતો. રમેશના અણધાર્યા પગલાથી પરિવારમાં શોક છવાઇ ગયો છે. બનાવ અંગે ખટોદરા પોલીસ તપાસ કરી રહી છે

(1:27 pm IST)
  • વડાપ્રધાન મોદી 28 માર્ચથી લોકસભા ચૂંટણી પ્રચારની ઝંઝાવાતી શરૂઆત કરશે : 4 દિવસમાં 10 રેલીઓને સંબોધશે : 28 માર્ચે મેરઠ - રુદ્રપુર અને જમ્મુ, 29 માર્ચે ઓડીસા - તેલંગાણા અને આંધ્રપ્રદેશ, 2 એપ્રિલે બિહારના ગયા અને જમુઈમાં અને 3 એપ્રિલે પશ્ચિમ બંગાળના કોલકોતા અને સિલિગુડીમાં સભાઓ ગજાવશે access_time 11:42 pm IST

  • દેશમાં યોજાનારી લોકસભાની ચૂંટણીઓમાં બેઠક દીઠ માત્ર એક જ પોલીંગ બુથ ઉપર VVPAT સ્લીપ અને EVM મતોની સરખામણી શા માટે ? : વધુમાં વધુ બુથો ઉપર આ રેન્ડમ ચેકીંગ યોજના અમલમાં મુકવા સુપ્રીમ કોર્ટનો ઈલેક્શન કમિશનને આદેશ : કઈ મુશ્કેલી હોય તો 28 માર્ચ સુધીમાં રજુઆત કરવા અપાયેલી મુદત : ચંદ્રાબાબુ નાયડુ સહીત NDA ગઠબંધનના 21 પક્ષોએ કરેલી પિટિશન અનુસંધાને 1 એપ્રિલના રોજ સુનાવણી access_time 1:28 pm IST

  • હાર્દિક પટેલ બન્યો કોંગ્રેસનો સ્ટાર પ્રચારક : UPમાં કોંગ્રેસ માટે કરશે પ્રચાર : યુ.પી.ના 40 કોંગ્રેસી સ્ટાર પ્રચારકોમાં ગુજરાતમાંથી માત્ર હાર્દિક પટેલનું નામ : રાહુલ ગાંધી, સોનિયા ગાંધી, પ્રિયંકા ગાંધી વાડ્રા, નવજોતસિંહ સિધ્ધુ સહિતના સ્ટાર પ્રચારકોની યાદી જાહેર access_time 12:12 am IST