Gujarati News

Gujarati News

News of Monday, 25th March 2019

અમદાવાદમાં ગરમીનો પારો ઉંચકાયો :તાપમાન 38 ડિગ્રીએ પહોંચ્યું

આગામી દિવસોમાં તાપમાનમાં વધુ વધારો થવાની હવામાન વિભાગની આગાહી

અમદાવાદઃરાજ્યમાં હોળી બાદ ગરમીમાં વધારો થયો છે અને ઉંચા પારા સાથે ઉનાળાની આખરે શરૂઆત થઈ છે અમદાવાદમાં 38 ડિગ્રી સેલ્સિયસ તાપમાન પહોંચ્યું છે અને આગામી દિવસોમાં અમદાવાદીઓએ વધુ ગરમીનો માર સહન કરવો પડી શકે છે. ભારતીય હવામાન ખાતા મુજબ આ અઠવાડિયામાં જ ગરમીનો પારો 40 ડિગ્રી સેલ્સિયસે પહોંચી જાય તેવી શક્યતા છે.

    હવામાન ખાતાએ કહ્યું કે આગામી બે દિવસો માટે તાપમાનમાં કોઈ લાંબો ફરક નહિ પડે પણ અમદાવાદમાં એક અઠવાડિયામાં 2-3 ડિગ્રી જેટલો તાપમાનનો પારો ઉંચકાશે. અમદાવાદમાં ઝાડ ઓછા હોવાના પગલે પહેલેથી જ ગરમીનું પ્રમાણ વધુ હોય છે ત્યારે આ ઉનાળો અમદાવાદીઓને કાઠું કેવળાવે તેવો સાબિત થઈ શકે છે.

   અમદાવાદમાં મહત્તમ તાપમાન 38 ડિગ્રી સેલ્સિયસ નોંધાયું હતું લઘુતમ તાપમાન પણ 24.4 ડિગ્રી સેલ્સિયસ નોંધાયું હતું જે પણ સામાન્ય તાપમાનથી 4 ડિગ્રી વધુ હતું. હજુ તો આ ઉનાળાની શરૂઆત છે, શરૂઆતમાં જ તાપમાનનો પારો આટલો ઉંચકાયો છે .

(12:14 pm IST)
  • સાંજ સુધીમાં ગઠબંધનનો ફેંસલોઃ નહિ થાય તો અમે તમામ 26 બેઠકો લડશું :એનસીપી નેતા જયંત બોસ્કીનો ધ્રુજારો :એનસીપીનાં જયંત બોસ્કીએ મોટું નિવેદન આપ્યું :સાંજ સુધીમાં ગઠબંધન નહીં થાય તો અમે તમામ 26 બેઠકો પર ચૂંટણી લડીશું: અત્રે ઉલ્લેખનીય છે કે આણંદ બેઠક પર જયંત બોસ્કી પોતાની ઉમેદવારી નોંધાવવાનાં છે. access_time 12:42 pm IST

  • ગોંડલ નજીક ખીમોરી તળાવ પાસેથી મૃત હાલતમાં નવજાત શીશુ મળ્યું : મૃતક નવજાત શીશુ હાથપગનો ભાગ જનાવરોએ ફાડી ખાધેલ હાલતમાં મળી આવ્યું.:મૃતક નવજાત શીશુને માનવ સેવા ટ્રસ્ટના પ્રમુખ પ્રફુલ્લભાઈ રાજ્યગુરૂ અને કિશોરભાઈ બાવળિયા એ ગોંડલ સરકારી હોસ્પિટલમાં પહોંચાડ્યું : ગોંડલ તાલુકા પોલીસે આ બનાવમાં તપાસ હાથ ધરી access_time 12:18 am IST

  • શેરબજારમાં તોતિંગ ગાબડુ : વૈશ્વિક પરિબળોની અસરઃ ૩ વાગ્યે સેન્સેકસ ૩૭૩ પોઇન્ટ ઘટીને ૩૭૭૯૧ તથા નીફટી ૧૦૮ પોઇન્ટ ઘટીને ૧૧૩૪૮: ડોલર સામે રૂપિયો ૬૮.૮૦ ઉપર છેઃ બજારમાં ભારે વેચવાલીઃ મીડકેપ-સ્મોલકેપ પણ તુટયાઃ રિયલ્ટી મેટલ, ઓટોમાં વેચવાલી access_time 3:31 pm IST