Gujarati News

Gujarati News

News of Thursday, 25th February 2021

અમદાવાદમાં ડુપ્લીકેટ ડ્રાઇવિંગ લાયસન્સ બનાવવાનો પર્દાફાશઃ ૨ શખ્સો ૧૯ ડ્રાઇવિંગ લાયસન્સ સાથે ઝડપાયાઃ આધાર કાર્ડ-પાનકાર્ડનો દુરઉપયોગ ક્યાં કર્યો? તેની તપાસ

અમદાવાદ: અમદાવાદ ક્રાઈમ બ્રાન્ચે ડુપ્લીકેટ ડ્રાઇવિંગ લાઇસન્સ બનાવતા બે શખ્સોની ધરપકડ કરી ડુપ્લીકેટ લાઇસન્સ બનાવવાનું રેકેટ ઝડપી પાડ્યું છે. બન્ને આરોપીઓ પાસેથી પોલીસે 19 ડ્રાઇવિંગ લાયસન્સ પણ કબ્જે કર્યા છે. સાથો સાથ 5 આધાર કાર્ડ, પાનકાર્ડ 3 અને બનાવટી લાયસન્સ બનાવવા માટે વપરાતા ચિપ વાળા કાર્ડ અને ચિપ વગરના 20 કાર્ડ પણ કબ્જે કર્યા છે.

એટલું જ નહીં પોલીસે આરોપીઓના ઘરે સર્ચ કરતા પ્લાસ્ટિક કવર સાથે 85 વ્યક્તિઓના પાસપોર્ટ ફોટો પણ મળી આવ્યા છે. હાલ પોલીસ તપાસમાં સામે આવ્યુ કે અત્યાર સુધીમાં 39 જેટલા લોકો આ બન્ને શખ્સોને બનાવટી ડ્રાઇવિંગ લાયસન્સ બનાવી આપ્યા હતા. મહત્વનું છે કે ટુ વહીલર લાયસન્સ બનાવવા માટે આરોપીઓ 2500 રૂપિયા અને LMV કારના ડુપ્લીકેટ લાયસન્સ બનાવવા માટે 5 હજારથી રૂપિયા પડાવતા.

સમગ્ર ઘટના અંગે વાત કરીએ તો ક્રાઇમ બ્રાન્ચને મળેલી માહિતી આધારે પહેલા અફસરુલ શેખને બનાવટી લાયસન્સ સાથે પકડવામાં આવ્યો. ત્યારબાદ તેની પૂછપરછ કરતા જાણવા મળ્યું કે મારુફમુલ્લા આ ડ્રાઇવિંગ લાઇસન્સ 6 હજારમાં બનાવી આપેલું. જોકે પોલીસે સર્ચ કરતા ઘરમાંથી બનાવટી ડ્રાઇવિંગ લાયસન્સ માટેનો સામાન મળી આવતા મુદ્દામાલ કબ્જે કર્યા.

હવે પોલીસે એ દિશામાં તપાસ કરી રહી છે આ જ રીતે અન્ય કેટલા લોકોને બનાવટી દ્રાઇવિંગ લાયસન્સ બનાવી આપ્યા છે? અને આધારકાર્ડ કે પાનકાર્ડનો દુરઉપયોગ ક્યાં ક્યાં કર્યો હતો.

(5:05 pm IST)
  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST

  • જામનગર જીલ્લાના ધ્રોલ અને પડધરી પંથકમાં તથા રાજકોટની ભાગોળે ઓનેસ્ટ સુધી સવારે ૯ વાગ્યા સુધી ભારે ધુમ્મસ અને ઝાકળ છવાયેલા રહ્ના હતા access_time 10:23 am IST

  • હવે શિવરાજસિંહ ચૌહાણે પણ આપી ચેતવણી : કહ્યું કોરોના સંકટ ટળ્યું નથી : સુરક્ષાના ઉપાયો અપનાવો નહીંતર લોકોડાઉન જેવા પગલાં લેવા પડશે :મધ્યપ્રદેશના મુખ્યમંત્રીએ કોરોના સંક્રમણ ફેલાતું અટકવવા લોકોને સહયોગ આપવા અને સાવધાની રાખવા અપીલ કરી access_time 1:10 am IST