Gujarati News

Gujarati News

News of Thursday, 25th February 2021

લીયાદનાં સરપંચનાં પુત્ર દ્વારા સરકારી જમીનમાં ગેરકાયદેસર ચલાવાતો રેતીનો વોશ પ્લાન્ટ ઝડપાયો

લીયાદનાં સરપંચનાં પુત્ર દ્વારા સરકારી જમીનમાં ગેરકાયદેસર ચલાવાતો રેતીનો વોશ પ્લાન્ટ ઝડપાયો

લીંબડી તાલુકાનાં લીયાદ ગામે પ્રાંત અધિકારીએ પોલીસ ટીમને સાથે રાખીને દરોડો પાડ્યો હતો. લીયાદનાં સરપંચનાં પુત્ર તથા તેના સાથીદારે સરકારી જમીનમાં ગેરકાયદેસર ખોદકામ કરી ઉભો કરેલો રેતી વોશ કરવાનો પ્લાન્ટ ઝડપી પાડ્યો હતો. 770 મેટ્રીક ટન રેતી, મશીનરી અને સાધનો સહિતનો મુદ્દામાલ કબજે કરવામાં આવ્યો હતો

લીંબડી-વઢવાણ તાલુકાનાં ઉઘલ, વડોદ, બલદાણા, લીયાદ, બોડીયા, સૌકા, ઉંટડી, ચોકી, જાખણ, ખંભલાવ, શિયાણી, પાણશીણા સહિતનાં ભોગાવા કાંઠાનાં ગામોની નદીમાં ગેરકાયદેસર રેતી ચોરીનો કાળો કારોબાર ખુલ્લેઆમ અને બેરોકટોક ચાલી રહ્યો હોવાના બુમરાણા ઉઠી રહ્યા છે.

ડે.કલેક્ટર હર્ષવર્ધનસિંહ સોલંકીએ પીએસઆઈ એમ.કે.ઈશરાણી સહિત પોલીસ ટીમને સાથે રાખી લીયાદ ગામે દરોડો પાડયો હતો. લીયાદ ગામનાં સરપંચ મધુબેન માણસુરીયાનો પુત્ર વિપુલ હરજીભાઈ માણસુરીયા અને તેનો સાથીદાર વિજય વાલજીભાઈ દ્વારા સરકારી જમીનમાં ગેરકાયદેસર ખોદકામ કરી ઉભો કરેલો રેતી વોશ કરવાનો પ્લાન્ટ ઝડપાયો હતો

અંદાજે 770 મેટ્રીક ટન રેતી, રેતીનું ખોદકામ કરવાની મશીનરી તથા અન્ય સાધનો સહિતનો મુદ્દામાલ કબજે કરવામાં આવ્યો હતો. લીંબડી પોલીસ મથકે મુદ્દામાલ જમા કરાવી આગળની કાર્યવાહી હાથ ધરવામાં આવી છે. આ મામલે લીંબડીનાં પ્રાંત અધિકારી એચ.એમ.સોલંકી કહ્યુ કે, 1 વર્ષ સુધી કરેલી રેતી ચોરીનો દંડ વસુલવામાં આવશે. રેતી ચોરો વિપુલ અને વિજય પાસેથી 1 વર્ષમાં અંદાજે 1800 ટ્રેકટર રેતી ચોરીનો દંડ વસુલાશે. સાથે જ સરકારી જમીનમાં કરેલું ગેરકાયદેસરનું ખોદકામ, વીજળી ચોરી સહિતનો દંડ વસુલવામાં આવશે.

(11:03 pm IST)
  • શેરબજારમાં ટનાટન તેજીઃ નીફટી ૧પ૧પ૦ ઉપર : સેન્સેકસ પ૧રપ૦ ઉપર : શેર બજારમાં તેજીનો માહોલ ર.૩૦ કલાકે સેન્સેકસ ૪૮૮ પોઇન્ટ વધીને પ૧ર૭૦ અને નીફટી ૧૭પ પોઇન્ટ વધીને ૧પ૧પ૭ ઉપર ટ્રેડ કરે છે રિલાયન્સ ૪ ટકા ઉંચકાયો access_time 12:42 pm IST

  • ટેકો પાછો ખેંચાયો અને બીજી તરફ અપક્ષ ધારાસભ્ય ઉપર આવકવેરાનો જબરજસ્ત દરોડો ચાલુ : હરિયાણાની ભાજપ સરકારને તાજેતરમાં જ ટેકો પાછો ખેંચી લેનાર અપક્ષ ધારાસભ્ય બલરાજ કુંડુના નિવાસસ્થાન સહિતના સ્થળોએ આવકવેરાની જબરજસ્ત મોટી રેડ ચાલુ હોવાનું જાણવા મળે છે. access_time 11:40 am IST

  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST