Gujarati News

Gujarati News

News of Thursday, 25th February 2021

દિલ્હીના મુખ્યમંત્રી અરવિંદ કેજરીવાલ સુરતમાં આવશે

અરવિંદ કેજરીવાલ રોડ શો કરશે :અરવિંદ કેજરીવાલે ટ્વિટ કરીને વીડિયો શેર કર્યો છે, જેમાં તેમણે જણાવ્યું કે, હું ગુજરાતના લોકોનો આભાર માનુ છું

સુરત,તા.૨૪  : ગુજરાતમાં જે રીતે મતદાન થયું હતું ત્યારે તમામ પક્ષો ચિંતામાં આવી ગયા હતા પરંતુ જ્યારે પરિણામ આવ્યું ત્યારે સૌથી મોટું નુકસાન કોંગ્રેસને થયું હોવાનું સામે આવ્યું. સુરતમાં આપએ ૨૭ બેઠકો જીતી લીધી છે. કોંગ્રેસને પછાડીને આપ આગળ નીકળી ગયું છે અને બીજા નંબરનો સૌથી મોટો પક્ષ બનીને વિરોધ પક્ષ તરીકે સુરત મ્યુનિસિપલ કોર્પોરેશનમાં બેસશે. તો બીજી તરફ ગુજરાતમાં આપની એન્ટ્રી થતા દિલ્હીના મુખ્યમંત્રી અરવિંદ કેજરીવાલે ૨૬મી ફેબ્રુઆરીએ ગુજરાતના પ્રવાસે આવવાની વાત કરી છે. અહીં તેઓ એક રોડ શોમાં ભાગ લેવાના છે. અરવિંદ કેજરીવાલે ટ્વિટ કરીને એક વીડિયો શેર કર્યો છે, જેમાં તેમણે જણાવ્યું કે, હું ગુજરાતના લોકોનો આભાર માનુ છું, ખાસ કરીને સુરતમાં સવા સો વર્ષ જૂની કોંગ્રેસ પાર્ટીને હરાવીને એક મુખ્ય વિરોધ પક્ષ તરીકે બેસવાની જવાબદારી સોંપી છે. ગુજરાતે એક નવા રાજકારણની શરુઆત કરી છે

   પ્રામાણિક રાજકારણ, કામનું રાજકારણ, સારી સ્કૂલોનું રાજકારણ, સસ્તી અને ૨૪ કલાક વીજળીનું રાજકારણ, સારી હોસ્પિટલનું રાજકાણ. આપણે સાથે મળીને ગુજરાતને આગળ લાવીશું. હું ૨૬ ફેબ્રુઆરીએ સુરત આવી રહ્યો છું, આપને મળવા માટે, વ્યક્તિગત રીતે તમારો આભાર માનવા માટે. તો સુરતમાં મળીએ. કેજરીવાલે વીડિયો મેસેજ દ્વારા ગુજરાતના સુરતમાં આવવાની જાહેરાત કરી છે, આ સાથે વીડિયોમાં તેમણે અંતમાં ગુજરાતી ભાષામાં એમ પણ કહ્યું છે. ગુજરાતના લોકોને અમારો દિલથી ખુબ-ખુબ આભાર. એક અન્ય ટ્વીટમાં કેજરીવાલે લખ્યું છે કે, ગુજરાતની સ્થાનિક સ્વરાજની ચૂંટણીમાં આપએ શાનદાર પ્રદર્શન કર્યું છે. હું ગુજરાતના લોકોનો દિલથી આભાર વ્યક્ત કરવા માગુ છું. હું આપને વિશ્વાસ અપાવવા માગુ છું, અમારો એક-એક ઉમેદવાર પોતાની જવાબદારી સંપૂર્ણ પ્રમાણિકતા સાથે ભજવશે. આ વખતે યોજાયેલી ચૂંટણીમાં સુરતમાં ૧૨૦ બેઠકોમાંથી ભાજપને ૯૩ બેઠકો જીતવામાં સફળતા મળી છે, જ્યારે પાટીદારોની વસ્તી ધરાવતા વિસ્તારોમાં આપે ૨૭ બેઠકો પર કબજો કર્યો છે. બીજી તરફ કોંગ્રેસનું અહીં ખાતુ પણ નથી ખુલ્યું. એટલે કે હવે ભાજપની સાથે વિરોધ પક્ષમાં આપના નેતાઓ બેસશે.

(9:26 pm IST)
  • એફિલ ટાવરથી પણ ઊંચા ભારતના ગૌરવની તસ્વીર : રેલમંત્રીએ આપી જાણકારી :જમ્મુ-કાશ્મીરમાં દુનિયાનો સૌથી ઊંચો પુલની કામગીરી અંતિમ તબક્કામાં : રેલવે મંત્રીએ તસ્વીર શેર કરી : કટડા -બનિહાલ વચ્ચે રિયાસીમાં ચિનાબ નદી પર આ પુલનું નિર્માણ access_time 1:20 am IST

  • કેરળ સરકારનો મોટો નિર્ણય : સબરીમાલા અને સીએએ વિરોધી સામેના કેસ પાછા ખેચશે : કોંગ્રેસ નેતૃત્વ વાળા યુડીએફએ સરકારના આ નિર્ણયને આવકાર્યો : જયારે ભાજપે ભગવાન અયપ્પાના ભક્તો વિરુદ્ધ કેસ દાખલ કરવા બદલ મુખ્યમંત્રી પાસે માફીની માંગ કરી access_time 12:40 am IST

  • દત્તક લીધેલા યુંઅવાકના લગ્નમાં ગાઝીપુર જશે રક્ષામંત્રી રાજનાથસિંહ : આશ્રમ પદ્ધતિ વિદ્યાલય વારાણસીમાં વિજેન્દ્રે ટોપ કર્યું હતું : રાજનાથસિંહ જયારે મુખ્યમંત્રી હતા ત્યારે વારાણસી સ્થિત આશ્રમ પદ્ધતિ વિદ્યાલયના તત્કાલીન પ્રધાનાચાર્યને ફોન કરીને બે ગરીબ અને તેજસ્વી બાળકોને દત્તક લેવા ઈચ્છા દર્શાવી હતી :વિજેન્દરને દત્તક લઈને રાજનાથસિંહે અભ્યાસની જવાબદારી નિભાવી હતી access_time 1:23 am IST