Gujarati News

Gujarati News

News of Sunday, 25th February 2018

SG હાઈ-વે કેશવાન ૯૮ લાખ લૂંટ કેસ ઉકેલવા પોલીસના હવાતિયાં

એસજી હાઈ-વે કેશવાન ૯૮ લાખની લૂંટમાં સાથીદારની મદદથી માત્ર ત્રણ મિનિટમાં જ કેશવાનના ડ્રાઈવરે ઘટનાને અંજામ આપ્યો હતો

અમદાવાદ:  એસજી હાઈ-વે કેશવાન ૯૮ લાખની લૂંટમાં સાથીદારની મદદથી માત્ર ત્રણ મિનિટમાં જ કેશવાનના ડ્રાઈવરે ઘટનાને અંજામ આપ્યો હતો. આરોપી સુધીર બધેલે ચોરીની ઘટનાને અંજામ આપવા એકથી વધુ લોકોની મદદ લીધી હોય તેવો અંદાજ સીસીટીવી ફૂટેજના આધારે પોલીસે લગાવ્યો છે. જો કે, ઘટનાની જાહેરાત થઈ ત્યારથી દોડતી થયેલી પોલીસ હજુપણ કેસ ઉકેલવા હવાતિયા મારી રહી છે.

૧૦ એટીએમમાં કેશ લોડ કર્યા બાદ બોડકદેવ ક્રિષ્ના કોમ્પલેક્ષમાં એચડીએફસી એટીએમ ખાતે સીએમએસ ઈન્ફોની ટીમ પહોંચી ત્યારે ડ્રાઈવર સુધીર બધેલે નજીકમાંથી ચા લઈ આવી તેમાં કેફી પદાર્થ ભેળવી દીધો હતો. કસ્ટોડિયન ધવલ પાનવાલા, સિદ્ધાંત ચાવડા અને ગનમેન જિતેશ તોમરના જણાવ્યાનુસાર તેમણે જયારે ચા પીધી તે વખતે કડવાશ લાગી હતી, પરંતુ ચા કડક બની હોય તેવું માની લીધું હતું. સુધીરને ચા પીવાનું કહેતા તેણે તમાકુ ખાવાનું બહાનુ કરી ચા પીવાની ટાળી હતી અને ગનમેનને વધુ ચા પીવડાવી હતી. લગભગ સાડા સાતેક વાગે ચા પીધા બાદ કેશવાન રાજપથ કલબ પાસે આવી ત્યારે ગનમેન ર્સિવસ રોડ ઉપર ઢળી પડયો હતો અને બંને કસ્ટોડિયન એટીએમમાં ૬ લાખ કેશ લોડ કર્યા બાદ બેહોશ થઈ જતા સુધીર તેના સાગરિતની મદદથી ૯૮.૧૦ લાખ ભરેલો ટ્રંક લઈને બાઈક પર પલાયન થઈ ગયો હતો.

(11:40 am IST)
  • ગોવાના મુખ્યમંત્રી મનોહર પર્રિકરને ફરી એકવાર ગોવા મેડિકલ કોલેજ હોસ્પિટલમાં ભરતી કરવામાં આવ્યા છે. કહેવામાં આવી રહ્યું છે કે, ડિહાઈડ્રેશન અને બ્લડ પ્રેશરની ફરિયાદને લીધે તેમને હોસ્પિટલમાં દાખલ કરાયા છે. ઉલ્લેખનીય છે કે, તેઓ ગુરુવારે જ મુંબઈથી સારવાર લઈને ગોવા ગયા હતા. access_time 1:15 am IST

  • આજે સાંજે વડાપ્રધાન નરેન્દ્ર મોદી સુરતમાં રન ફોર ન્યુ ઈન્ડિયા કોન્સેપ્ટ પર નાઈટ મેરેથોનને ફ્લેગઓફ કરશે, ત્યારે સુરતમાં ભાજપના કાર્યાલયની બાજુમાં વિવાદિત પોસ્ટર્સ લગાવાયા છે. જેમાં નીરવ મોદી, વિજય માલ્યા, લલિત મોદી, જય શાહની તસ્વીર સાથે રન ફોર ન્યુ ઇન્ડિયા લખાયું છે અને પોસ્ટરના મધ્યમાં પ્રધાનમંત્રી મોદીની તસ્વીર મુકવામાં આવી છે. આ પોસ્ટરથી રાજકીય વર્તુળોમાં ચર્ચા જાગી છે. access_time 1:59 pm IST

  • સાઉથ આફ્રિકાના કેપ ટાઉનમાં રમાયેલી ટી -20 ક્રિકેટ સિરીઝના નિર્ણાયક મેચમાં ટીમ ઇન્ડિયાએ 7 રનથી જબરદસ્ત જીત મેળવી છે. આ સાથે ભારતીય ટીમે વન-ડે સીરીઝ (5-1)થી જીત્યા બાદ ટી-20 સિરિઝમાં યજમાન દક્ષિણ આફ્રિકાને 2-1થી કરારી હાર આપી છે. access_time 10:46 am IST