Gujarati News

Gujarati News

News of Monday, 25th January 2021

દારૂના ગુનામાં ભાગતા ફરતા બે આરોપીને ઝડપી પાડતી કડોદરા પોલીસ

આઇજી રાજકુમાર પાંડિયનની સૂચના અને ડીએસપી ઉષા રાડાના માર્ગદર્શન હેઠળ ડીવાયએસપી આર. એન. સોલંકીના દિશા નિદર્શન મુજબ પીઆઇ એ. પી. બ્રહ્મભટ્ટની ટીમે આરોપીઓને ઝબ્બે કર્યા

(કાર્તિક બાવીશી દ્વારા ) વલસાડ : સુરતની કડોદરા જીઆઇડીસી પોલીસના ચોપડે એક વર્ષથી નાસતા ફરતા દારૂના કેસના બે આરોપીને કડોદરા જીઆઇડીસી પોલીસે પકડી પાડ્યા છે. આ બંનેને તેમણે તાતીથૈયા ગામેથી રોડ પરથી પકડી જેલના સળિયા પાછળ ધકેલી દીધા છે. આઇજી રાજકુમાર પાંડિયનની સૂચના અને ડીએસપી ઉષા રાડાના માર્ગદર્શન હેઠળ ડીવાયએસપી આર. એન. સોલંકીના દિશા નિદર્શન મુજબ પીઆઇ એ. પી. બ્રહ્મભટ્ટની ટીમે પોલીસ ચોપડે વોન્ટેડ આરોપીઓને પકડવા કવાયત હાથ ધરી હતી. જેમાં તેમણે તાતીથૈયા ગામે રોડ પરથી લાલુ ઉર્ફે સતિષ અશોક પરમાર રહે. માખણા કામરેજ અને પંડિત ઉર્ફે વિનયકુમાર રામબહાદુર પાંડે રહે તાતીથૈયા પલસાણા સુરતને પકડી પાડ્યા હતા

 . આ બંને વિરૂદ્ધ કડોદરા જીઆઇડીસી પોલીસ મથકમાં ગુનો દાખલ થયો હતો. લાલુ ઉર્ફે સતિષની બહેન સુનિતા ગાંવિતના તાતીથૈયા ગામના ઘરમાં પોલીસે દરોડો પાડી રૂ. 48 હજારનો દારૂનો જથ્થો પકડી પાડ્યો હતો. સુનિતાને લાલુ ઉર્ફે સતિષ અને પંડિત દારૂ પહોંચાડતા હોય તેઓ પોલીસ ચોપડે વોન્ટેડ હતા. આ બંને આરોપીઓને પોલીસે પકડી પાડ્યા છે.

(7:30 pm IST)
  • ૧ લી ફેબ્રુઆરી બજેટના દિવસે દિલ્હીમાં સંસદ ભવન પર કૂચ લઈ જશે કિસાનો આવતીકાલની કિસાન રેલી પહેલાં મોટી જાહેરાત: પહેલી ફેબ્રુઆરીએ બજેટના દિવસે જ સંસદ ભવન કૂચ લઈ જવાની ખેડૂત નેતાઓની જાહેરાત : આ દિવસે કેવી રીતે ક્યાં જવાનું છે તે અમે 28 જાન્યુઆરીએ નક્કી કરશું: દર્શન પાલ, ક્રાંતિકારી કિસાન યુનિયનની જાહેરાત access_time 8:15 pm IST

  • દિલ્હીમાં કેજરી સરકારને ઘેરાબંધીઃ ૨૬ હજાર કરોડનો હિસાબ આપોઃદિલ્હીમાં એક સાથે ૨૦૦૦ જગ્યાએ ભાજપ કાર્યકર્તાઓ દ્વારા કેજરીવાલ સરકારને આજે ઘેરાબંધી થઇ રહી છે. દિલ્હીમાં જલ બોર્ડ દ્વારા ૨૬ હજાર કરોડના કથીત ગોટાળા અંગે કેજરીવાલ સરકારનો ભાજપ હિસાબ માંગી રહેલ છે. access_time 11:47 am IST

  • માઉન્‍ટ આબુમાં તાપમાન માઇનસ-૨ પર પહોંચ્‍યું : માઉન્‍ટ આબુમાં ઘરની બહાર ભરીને મુકેલું પાણી પણ બરફ બની ગયું: પ્રવાસીઓ સવારે વહેલા બરફ જોવા હોટલમાંથી બહાર નીકળ્‍યા access_time 4:47 pm IST