Gujarati News

Gujarati News

News of Monday, 25th January 2021

અમદાવાદની ખુશી પટેલે રાજ્યનું ગૌરવ વધાર્યુઃ સ્કેટિંગ ક્ષેત્રમાં સિદ્ધિ બદલ પ્રધાનમંત્રી રાષ્ટ્રીય પુરસ્કાર અર્પણ કરશે

અમદાવાદ: અમદાવાદની ખુશી પટેલે પ્રધાનમંત્રી રાષ્ટ્રીય પુરસ્કાર મેળવીને માત્ર પરિવાર જ નહીં પરંતુ અમદાવાદ અને રાજ્યનું નામ રાષ્ટ્રીય ફલક પર રોશન કર્યું છે. ખુશી પટેલને રમતગમત ક્ષેત્રે એક કરતાં વધારે ગોલ્ડ મેડલ અને અલગ-અલગ પૂરસ્કાર બદલ આ સન્માન આપવામાં આવ્યું છે. દર વર્ષે પ્રધાનમંત્રી રાષ્ટ્રીય પૂરસ્કાર 5 વર્ષેથી લઈ ૧૮ વર્ષના બાળકોને અલગ-અલગ ક્ષેત્રોમાં મેળવેલ સિદ્ધિના આધારે આપવામાં આવતો હોય છે. ખુશીને સ્કેટિંગ ક્ષેત્રમાં પારંગતતા બદલ એવોર્ડ માટે જાહેરાત થઈ છે, જે તેમને આગામી દિવસોમાં એનાયત કરવામાં આવશે.

ખુશીએ 4 વર્ષની ઉંમરે સ્કેટીંગની શરૂઆત કરી હતી. નાની ઉંમરમાં અને ટૂંકા સમયગાળા દરમિયાન અનેક રાષ્ટ્રીય તથા આંતરરાષ્ટ્રીય એવોર્ડ અને મેડલ્સ જીત્યા છે. જેમાં સૌથી મહત્વની અને યાદગાર સિદ્ધિ વર્ષ 2016માં ચીનમાં યોજાયેલ એશિયન ગેમ્સમાં ત્રણ ગોલ્ડ મેડલ મેળવ્યા હતા. ખુશીએ ચીનમાં ફિગર સ્કેટિંગ, આર્ટિસ્ટ સ્કેટિંગ અને કમ્બાઇન સેટિંગમાં ગોલ્ડ મેડલ મેળવ્યો હતો. જે તેની સૌથી મોટી સિદ્ધિ છે.

ખુશીએ રાજ્ય કક્ષાએ 25 ગોલ્ડ અને 4 સિલ્વર મેડલ, રાષ્ટ્રીય કક્ષાએ 7 ગોલ્ડ મેડલઅને 2 બ્રોન્ઝ મેડલ મેળવ્યા છે. જયારે આંતરરાષ્ટ્રીય સ્તરે ખુશીએ ત્રણ ગોલ્ડ મેડલ હાંસલ કર્યા છે. ખુશીની આ નાની કારકિર્દી દરમિયાન 2 વાર ગંભીર બીજાનો પણ સામનો કરવો પડ્યો હતો ચેટિંગ દરમિયાન તેને પગમાં અને હાથના અંગુઠામાં પ્રેશર પણ થયું હતું જોકે તેને હાર માન્યા વિના તેનું ધ્યાન કેન્દ્રિત રાખ્યું અને આજે તેને મોટી સફળતા પ્રાપ્ત થઇ છે. ખુશી ભારતની પહેલી સ્કેટિંગ રમતવીર છે કે જેને એક સાથે ત્રણ ગોલ્ડ મેડલ જીત્યા હોય.

(5:37 pm IST)
  • ૧ લી ફેબ્રુઆરી બજેટના દિવસે દિલ્હીમાં સંસદ ભવન પર કૂચ લઈ જશે કિસાનો આવતીકાલની કિસાન રેલી પહેલાં મોટી જાહેરાત: પહેલી ફેબ્રુઆરીએ બજેટના દિવસે જ સંસદ ભવન કૂચ લઈ જવાની ખેડૂત નેતાઓની જાહેરાત : આ દિવસે કેવી રીતે ક્યાં જવાનું છે તે અમે 28 જાન્યુઆરીએ નક્કી કરશું: દર્શન પાલ, ક્રાંતિકારી કિસાન યુનિયનની જાહેરાત access_time 8:15 pm IST

  • ડેઈલી કોરોના કેસમાં જબરો ઘટાડો: લાંબા સમય પછી ૧૦ હજારથી ઓછા કેસ નોંધાયા : ભારતમાં મોડી રાત્રે કોરોના કેસમાં મોટો ઘટાડો નોંધાયો છે. લાંબા સમય પછી એક દિવસમાં કોરોના કેસોનો આંક ૧૦ હજારની નીચે ચાલ્યો ગયો છે (ન્યુઝફર્સ્ટ) access_time 12:29 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST