Gujarati News

Gujarati News

News of Monday, 25th January 2021

વડોદરાના મકરપુરા રોડ નજીક કોર્પોરેશનની ઢોર પાર્ટીના ટ્રેક્ટરે બાઇકને હડફેટે લેતા શખ્સનું કમકમાટીભર્યું મોત

વડોદરા:શહેરના મકરપુરા રોડ પર વડોદરા મ્યુનિસિપલ કોર્પોરેશનની ઢોર પાર્ટીના ટ્રેક્ટરે એક બાઇકને ટક્કર મારતા બેસણામાં જતા એક શખ્સનું મોત નિપજ્યું હતું જ્યારે બાઇક ચાલકને ઇજા થઇ હતી.

પ્રાપ્ત માહિતી મુજબ ડભોઇ તાલુકાના નાનાકોકુડીયા ગામે નવીનગરીમાં રહેતા અજય કનુભાઇ વસાવાના વડોદરા શહેરના ગોત્રી વિસ્તારમાં રહેતા કાકા સસરા હસમુખભાઇનું બેસણું આજે હોવાથી અજય તેના બીજા કાકા સસરા નારણ મોતીભાઇ વસાવાને પોતાના ગામેથી સાથે લઇને બાઇક પર બંને જણા ગોત્રી જતા હતાં.

આજે બપોરે તેઓ જામ્બુઆ ચોકડીથી વડોદરા શહેરમાં પ્રવેશી મકરપુરા રોડ પરથી પસાર થતા હતા ત્યારે વોલ્ટેમ્પ કંપની નજીક ડીવાઇડરના કટ પરથી વડોદરા મ્યુનિસિપલ કોર્પોરેશનની ઢોર પાર્ટીના એક ટ્રેક્ટરે અચાનક ટર્ન મારી બાઇકને અથાડતા બાઇક પરથી અજય અને તેના કાકાસસરા નારણભાઇ બંને પટકાયા હતાં. બંનેને સારવાર માટે સયાજી હોસ્પિટલમાં લઇ જતા ફરજ પરના તબીબે નારણભાઇનું મોત નિપજ્યું હોવાનું જાહેર કર્યું  હતું.

(5:23 pm IST)
  • દિલ્હીમાં કેજરી સરકારને ઘેરાબંધીઃ ૨૬ હજાર કરોડનો હિસાબ આપોઃદિલ્હીમાં એક સાથે ૨૦૦૦ જગ્યાએ ભાજપ કાર્યકર્તાઓ દ્વારા કેજરીવાલ સરકારને આજે ઘેરાબંધી થઇ રહી છે. દિલ્હીમાં જલ બોર્ડ દ્વારા ૨૬ હજાર કરોડના કથીત ગોટાળા અંગે કેજરીવાલ સરકારનો ભાજપ હિસાબ માંગી રહેલ છે. access_time 11:47 am IST

  • એરપોર્ટ, હોસ્પિટલો અને બેન્કીંગ સહિત ૫ થી ૭ ક્ષેત્રોમાં ગેમ ચેન્જર સાબિત થાય તેવા મોટા ફેરફારો આવી રહ્યા છે : ગેમ ચેન્જર સાબિત થાય તેવી ૫ થી ૭ નવી નીતિઓ ઘડવા ઉપર નાણામંત્રાલય રાત - દિવસ કામ કરી રહ્યાનું પણ જાણવા મળે છે : જેમાં એરપોર્ટો - હોસ્પિટલો, લોજીસ્ટીકસ અને ઈવીનો સમાવેશ થતો હોવાનું ન્યુઝ ફર્સ્ટ જણાવે છે : બેન્કીંગ સેકટર માટે નવા નિયમો ઉપર પણ નાણામંત્રાલય કામ કરી રહેલ છે : બેન્કીંગ સેકટરમાં બેન્કો વચ્ચેના વધુ જોડાણો અને ખાનગીકરણની દિશામાં પગલા લેવાઇ રહ્યાનું પણ જાણવા મળે છેઃ ન્યુઝ ફર્સ્ટના અહેવાલ પ્રમાણે આગામી અંદાજપત્રમાં આ જાહેરાતો થવાની સંભાવના છે access_time 3:08 pm IST

  • મહારાષ્ટ્રના ૨ ગુજરાતીઓનું પદ્મશ્રી એવોર્ડથી સન્માન: લિજ્જત પાપડના જશવંતીબેન પોપટ અને રજનીકાંત શ્રોફને પદ્મશ્રી એવોર્ડ જાહેર: લિજ્જત પાપડ શરૂ કરનાર સાત મહિલાઓ પૈકીના રઘુવંશી જશવંતીબેન જમનાદાસ પોપટ અને યુનાઈટેડ ફોસ્ફરસના રજનીકાંત દેવીદાસ શ્રોફને કેન્દ્ર સરકારે આજે પદ્મશ્રી એવોર્ડ અપાયાની જાહેરાત કરી છે access_time 1:03 am IST