Gujarati News

Gujarati News

News of Monday, 25th January 2021

સુરત મનપાની 64 બેઠક માટે ભાજપની સેન્સમાં 1041 દાવેદારો ઉમટ્યા

અલગ-અલગ 7 સ્થળો પર નિરિક્ષકોએ ભાજપની ટિકિટની દાવેદારી કરતાં ઉમેદવારોને સાંભળ્યા

સુરત: ગુજરાતમાં સ્થાનિક સ્વરાજની ચૂંટણીની તારીખ જાહેર થવાની સાથે જ આચાર સંહિતા લાગૂ થઈ ગઈ છે. વિવિધ પાર્ટીઓ પોતાની રીતે તૈયારીઓમાં લાગી ગઈ છે, ત્યારે ભાજપ  દ્વારા ઉમેદવારોની પસંદગી માટે સેન્સ પ્રક્રિયા હાથ ધરવામાં આવી રહી છે. જેમાં સુરત શહેર માટે 3 દિવસ સુધી નિરિક્ષકો રોકાઈને દાવેદારોની સેન્સ લેવાના છે, ત્યારે પ્રથમ દિવસે જ ભાજપમાં ટિકિટ વાંચ્છુકોની લાઈન લાગી હતી.સુરતના 16 વોર્ડની 64 બેઠક માટે 1041 ટિકિટની દાવેદારી કરતાં દાવેદારોને સાંભળવામાં આવ્યા હતા. જ્યારે આજે બીજા દિવસે અન્ય 14 વોર્ડના દાવેદારોને સાંભળવાની પ્રક્રિયા હાથ ધરવામાં આવી છે

સુરતના 7 ઝોનમાં અલગ-અલગ 7 સ્થળો પર નિરિક્ષકોએ ભાજપની ટિકિટની દાવેદારી કરતાં ઉમેદવારોને સાંભળ્યા હતાં. જેમાં ભાજપના  ઉધના કાર્યાલય ખાતે બે વોર્ડ માટેની સેન્સ લેવાની પ્રક્રિયા હાથ ધરાઈ હતી. કુલ 1041 દાવેદારો પૈકી સૌથી વધુ રજૂઆત વોર્ડ નંબર 8 (ડભોલી અને સિંગણપોર) અને વોર્ડ નંબર 13માં (નવાપુરા, બેગમપુરા, સલાબતપુરા) થઈ હતી.

સૌથી ઓછી 36 રજૂઆત વોર્ડ નંબર-4 (કાપોદ્રા) અને વોર્ડ નંબર-14 (ઉમરવાડા, માતાવાડી વોર્ડ)માં 41 રજૂઆત થઈ હતી. ગુજરાત ભાજપની 7 ટીમો દ્વારા ટિકિટ વાંચ્છુંકોને સાંભળવામાં આવ્યા હતા.

જેમાં વોર્ડ નંબર-23 (બમરોલી ઉધના ઉત્તર) વોર્ડ નંબર-24 (ઉધના દક્ષિણ) અને વોર્ડ નંબર-28 (પાંડેસરા) વિસ્તારના દાવેદારોને સાંભળવાની જવાબદારી નિરીક્ષક ડૉ ઋત્વિજ પટેલ, ધર્મેન્દ્ર શાહ, વીણા પ્રજાપતિને સોંપવામાં આવી હતી

(2:25 pm IST)
  • દેશમાં કોરોના હાર્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 -30 વાગ્યા સુધીમાં કોરોનાના નવા 9036 કેસ નોંધાયા :કુલ કેસની સંખ્યા 1,06,77,710 થઇ :એક્ટિવ કેસ 1,74,362 થયા: વધુ 16,023 દર્દીઓ સ્વસ્થ થતા કુલ 1,03,45,267 થયા :વધુ 116 લોકોના મોત સાથે કુલ મૃત્યુઆંક 1,53,624 થયા access_time 1:00 am IST

  • માઉન્‍ટ આબુમાં તાપમાન માઇનસ-૨ પર પહોંચ્‍યું : માઉન્‍ટ આબુમાં ઘરની બહાર ભરીને મુકેલું પાણી પણ બરફ બની ગયું: પ્રવાસીઓ સવારે વહેલા બરફ જોવા હોટલમાંથી બહાર નીકળ્‍યા access_time 4:47 pm IST

  • દિલ્હીમાં કેજરી સરકારને ઘેરાબંધીઃ ૨૬ હજાર કરોડનો હિસાબ આપોઃદિલ્હીમાં એક સાથે ૨૦૦૦ જગ્યાએ ભાજપ કાર્યકર્તાઓ દ્વારા કેજરીવાલ સરકારને આજે ઘેરાબંધી થઇ રહી છે. દિલ્હીમાં જલ બોર્ડ દ્વારા ૨૬ હજાર કરોડના કથીત ગોટાળા અંગે કેજરીવાલ સરકારનો ભાજપ હિસાબ માંગી રહેલ છે. access_time 11:47 am IST