Gujarati News

Gujarati News

News of Monday, 25th January 2021

‘મારે ગુજરાતના એક દિ'ના મુખ્યમંત્રી બનવાની ઈચ્છા છે’, યુવકે નીતિનભાઈ પટેલને કર્યો ફોન

હેબતપુરના લાલજી ભાઇએ નાયબ મુખ્યમંત્રી નીતિનભાઈ પટેલને ફોન કર્યો

અમદાવાદ : રાજ્યના એક યુવકે નીતિન પટેલને ફોન કરી એક દિવસના મુખ્યમંત્રી બનવાની ઇચ્છા વ્યક્ત કરી હતી. ગુજરાતના યુવકની નીતિનભાઈ પટેલ સાથેની વાતચીતનો ઓડિયો વાયરલ થયો છે. ગુજરાતના યુવકની એક દિવસ માટે મુખ્યમંત્રી બનવાની ઇચ્છા જોઇ નીતિનભાઈ પટેલે પણ શુભેચ્છા પાઠવી હતી. મહત્વપૂર્ણ છે કે ઉત્તરાખંડમાં સૃષ્ટી ગોસ્વામી નામની એક યુવતી એક દિવસ માટે મુખ્યમંત્રી બની હતી. Chief Minister

હેબતપુરના લાલજી ભાઇએ નાયબ મુખ્યમંત્રી નીતિનભાઈ પટેલને ફોન કરીને એક દિવસના મુખ્યમંત્રી બનવાની વાત કરતા નીતિનભાઈ પટેલ પણ હસી પડ્યા હતા. આ વાતચીતના કેટલાક અંશ નીચે પ્રમાણે છે.

લાલજી ભાઇ: સાહેબ લાલજી બોલુ છું, મીઠાપુરા, ધોલેરા તાલુકાના હેબતપુર ગામમાંથી, જેની વસ્તી 10-12 હજારની છે. જે રીતે ઉત્તરાખંડમાં સૃષ્ટી ગોસ્વામી નામના બહેનને એક દિવસના મુખ્યમંત્રી બનાવડાવ્યા, તેવી રીતે હું ગુજરાતનો એક દિવસનો મુખ્યમંત્રી બનવા માંગુ છું.
નીતિન પટેલ (હસતા): બનો કઇ વાંધો નહી
લાલજી ભાઇ: આમા આપણે સીએમ સાહેબની મંજૂરી જોઇએ, જો રૂપાણી સાહેબ એમ કહે કે લાલજી ભાઇને એક દિવસ માટે મુખ્યમંત્રી બનાવો.
નીતિન પટેલ (હસતા): સારૂ..સારૂ..હો…
લાલજી ભાઇ: આપણે સારૂ કામ કરીશું અને કામગીરી પણ સારી કરીને બતાવીશું
નીતિન પટેલ: મુખ્યમંત્રી બન્યા વગર પણ સારા કામ કરી શકાય.
લાલજી ભાઇ: જ્યાર સુધી સત્તા હાથમાં નથી…
નીતિન પટેલ: મારી શુભેચ્છા

રાષ્ટ્રીય બાલિકા દિવસના પ્રસંગે ઉત્તરાખંડના હરિદ્વાર જિલ્લાની વિદ્યાર્થિની સૃષ્ટિ ગોસ્વામી એક દિવસની મુખ્યમંત્રી બની હતી. આ દરમિયાન તેણે વિવિધ વિભાગની સમીક્ષા બેઠક કરી હતી અને પ્રેઝન્ટેશન જોયુ હતું. સૃષ્ટી પોતાના 6 કલાકના કાર્યકાળમાં પુરા આત્મવિશ્વાસથી ભરેલી જોવા મળી હતી. આ દરમિયા તેણે અધિકારીઓની ક્લાસ પણ લીધી હતી અને વિપક્ષના સવાલોના જવાબ પણ આપ્યા હતા

(2:04 pm IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST

  • ૧ લી ફેબ્રુઆરી બજેટના દિવસે દિલ્હીમાં સંસદ ભવન પર કૂચ લઈ જશે કિસાનો આવતીકાલની કિસાન રેલી પહેલાં મોટી જાહેરાત: પહેલી ફેબ્રુઆરીએ બજેટના દિવસે જ સંસદ ભવન કૂચ લઈ જવાની ખેડૂત નેતાઓની જાહેરાત : આ દિવસે કેવી રીતે ક્યાં જવાનું છે તે અમે 28 જાન્યુઆરીએ નક્કી કરશું: દર્શન પાલ, ક્રાંતિકારી કિસાન યુનિયનની જાહેરાત access_time 8:15 pm IST

  • અર્ણવે મને લાખો રૂપિયા આપ્યા હતા: પાર્થો દાસગુપ્તાનો ધડાકો ટી,આરપીમાં ગોલમાલ કરવા અને રિપબ્લિક ને નંબર વન બનાવવા માટે અર્ણવએ મને 12000 અમેરિકન ડોલર અને 40 લાખ રૂપિયા આપ્યા હતા: બીએઆરસી ના પૂર્વ સીઈઓ પાર્થ દાસગુપ્તાનો વિસ્ફોટ access_time 8:16 pm IST