Gujarati News

(વંદના નીલકંઠ વાસુકિયા દ્વારા  ) વિરમગામ : રાષ્ટ્રીય દીકરી દિવસ નિમિત્તે બેટી બચાવો બેટી પઢાવો અભિયાન અંતર્ગત જિલ્લા વહીવટી તંત્ર અમદાવાદ દ્વારા શ્રી મહીપતરામ રૂપરામ આશ્રમ શાળામાં કિશોરી મેળાનું આયોજન કરવામાં આવ્યું હતું. જેમાં શાળાની દિકરીઓ માટે   રંગોળી સ્પર્ધા મહેંદી સ્પર્ધા બેટી બચાવો બેટી પઢાવો સ્લોગન સ્પર્ધા ચિત્ર સ્પર્ધાનુ આયોજન કરવામાં આવ્યું હતું.

  આ ઉપરાંત વિવિધ વિષયોના નિષ્ણાતો દ્વારા દીકરીઓને વિવિધ વિષયોની માહિતી આપવામાં આવી હતી. મુખ્ય મહેમાન એસપી મહિલા ક્રાઇમે દીકરીઓને સ્વરક્ષણની માહિતી આપી હતી અને દીકરીઓને ઈનામ આપીને સન્માનિત કરવામાં આવી હતી. આ કાર્યક્રમમાં હાર્દિક સોલંકી, મિત્તલ પટેલ, નરેશભાઇ, નિલમ પાસવાણી, જીતેશભાઇ ઉપસ્થિત રહ્યા હતા.