Gujarati News

Gujarati News

News of Tuesday, 24th November 2020

અમદાવાદનાં વસ્ત્રાપુર વિસ્તારનાં ‘કાસવ્યો’ ફલેટમાં એક સાથે ૪૦ કોરોના પોઝીટીવ કેસ આવતા આરોગ્ય વિભાગમાં દોડધામઃ ફલેટ ધારકોનું મેડિકલ ચેકઅપ

અમદાવાદ : અમદાવાદમાં કોરોનાના ફરી એકવાર કેસમાં સતત વધારો જોવા મળતા તંત્ર હરકતમાં આવી ગયું છે. આ સાથે જાહેરમાં માસ્ક વિના ફરનાર લોકો સામે 1 હજાર રુપિયાનો દંડ પણ વસૂલવામાં આવી રહ્યો છે. બે દિવસ પહેલા જ બોપલના સફલ પરિસરમાં સાગમટે 80 જેટલા કેસ સામે આવ્યા હતા. ત્યારે આજે વસ્ત્રાપુરમાં આવેલ કાસવ્યો ફલેટમાં 40 કેસ સામે આવતા તંત્રમાં દોડધામ જોવા મળી રહી છે. તમામ ફલેટને હાલ માઈક્રો કન્ટેન્ટમેન્ટ ઝોનમાં મૂક્વામાં આવ્યો છે. ત્યારે આજે એએમસીની ટીમ દ્વારા કાસાવ્યોમા ફ્લેટ ખાતે એગ્રેસીવ ટેસ્ટીંગ હાથ ધરાયું છે.

શહેરમાં સતત કોરોનાના દર્દીઓ વધી રહ્યા છે. દર્દીઓ અને ઉપલબ્ધ બેડની સંખ્યા મામલે તંત્રના દાવા શંકાના દાયરામાં આવ્યા છે. તંત્રના ચોપડે શહેરમાં એક્ટીવ કેસની સંખ્યામાં માત્ર 2840 છે, જ્યારે કે ઉપલબ્ધ બેડ મામલે તંત્રના મોટા દાવા કંઈક અલગ છે. મે-જૂનમાં એક્ટિવ કેસોની સંખ્યા 5200 ઉપર હતી. આ પરિસ્થિતિ વચ્ચે પણ દર્દીઓને અમદાવાદમાં જ સારવાર અપાતી હતી. જ્યારે કે, હાલમાં એક્ટિવ કેસ માત્ર 2840 છે. તો શા માટે અમદાવાદના દર્દીઓને ખેડા, આણંદ કે કરમસદ મોકલાઇ રહ્યા છે? હાલ આ મામલે તંત્રના એકેય અધિકારીઓ કશું પણ કહેવા તૈયાર નથી.

આઈસીયુમાં વગર વેન્ટિલેટર 388 દર્દીઓ દાખલ છે અને 11 બેડ ખાલી છે

આઇસીયુ વિથ વેન્ટિલેટરમાં 168 દર્દીઓ દાખલ છે અને 11 બેડ ખાલી છે

એએમસી ક્વોટામાં ગઈકાલે સાંજે સાત વાગ્યા સુધી 772 બેડ ખાલી હતા

(5:38 pm IST)
  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST

  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST