Gujarati News

Gujarati News

News of Tuesday, 24th November 2020

અમદાવાદના ખાડિયા ચાર રસ્તા નજીક કર્ફ્યુ દરમ્યાન નશાની હાલતમાં કાર ચલાવતા શખ્સને પોલીસે અટકાવતા ઉશ્કેરાયેલ શખ્સે પોલોસને લાફો મારતા ધરપકડ

અમદાવાદ: શહેરના ખાડીયા ચાર રસ્તા પાસેથી કરફ્યુ દરમિયાન દારૂના નશામાં કાર લઈને જઈ રહેલા શખ્સને પોલીસે અટકાવતા તે ઉશ્કેરાઈ ગયો હતો. હું પ્રેસનો માણસ છું અને મને ગમે ત્યાં ફરવાની છુટ છે કહીને ફરજ પરના પોલીસ કર્મચારીને લાફો મારી દીધો હતો. જેને પગલે ખાડીયા પોલીસે ગુનો નોંધીને આરોપીની અટક કરી હતી.

ખાડીયા ચાર રસ્તા પર 23 નવેમ્બરના રોજ રાત્રે કરફ્યુને કારણે નાકાબંધી પોઈન્ટ હોવાથી ખાડીયા પોલીસ અહીં ફરજ બજાવતી હતી. દરમિયાન રાયપુર ચકલા તરફથી કાર ચાલક દારૂના નશામાં કાર હંકારીને આવતો હોવાની શંકા જતા પોલીસે તેને અટકાવ્યો હતો. તપાસ કરતા કાર ચાલક દારૂના નશામાં હોવાનું જણાયું હતું.

પોલીસે દારૂ પીવાની પરમીટ માંગતા તે ઉશ્કેરાઈ ગયો હતો અને હું પ્રેસનો માણસ છું મને ગમે ત્યાં ફરવાની છુટ છે, તમે મને રોકી ના શકો કહીને કારમાંથી નીચે ઉતરીને ફરજ પરના કોન્સ્ટેબલ રાજપાલસિંહ લાલુભાને લાફો મારી દીધો હતો. તપાસ કરતા તેના હાથ પર અગાઉ ક્યાંક વાગેલું હોવાનું અને લોહી નીકળતું હોવાનું જણાયું હતું. 

(5:00 pm IST)
  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST

  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST