Gujarati News

Gujarati News

News of Saturday, 24th October 2020

દેડિયાપાડા હોટલ માલિકોએ લોકડાઉનમાં પોલીસ સ્ટાફમાં પીરસેલા ભોજનના લાખો રૂપિયા નહિ ચૂકવાતા રોષ

 

(ભરત શાહ દ્વારા) રાજપીપળા : સમગ્ર દેશમાં કોરોનાએ જનજીવન અસ્તવ્યસ્ત કરી નાખ્યું છે જેમાં 6 મહિના કરતા વધુ સમયથી લોકોના કામધંધા પર પણ બહુ મોટી અસર થઈ છે તેમ છતાં લોકડાઉનના ખરાબ સમયમાં પણ નર્મદા પોલીસના દેડીયાપાડા પો.સ્ટે.ના લગભગ 250 જેટલા સ્ટાફને બે સમય ભોજન અને નાસ્તો આપતા હોટલ માલિકોને બિલના લાખો રૂપિયા નહિ ચૂકવાતા હોટલ માલિકોને ભીખ માંગવા જેવા સમયમાંથી હાલ પસાર થઈ રહ્યા છે.

જોકે હોટલ સંચાલકોના જણાવ્યા મુજબ ભોજનની વાત કરતા સમયે લાગતા વળગતા પોલીસ અધિકારીએ દર પંદર દિવસે બીલના નાણાં મળશે તેવી વાત કરી હોવા છતાં આજદિન સુધી કેટલીય હોટલ ના માલિકો તેમના બાકી નાણાં લેવા ટલ્લે ચઢી રહ્યા છે છતાં હજુ કોઈને રૂપિયા નથી મળ્યા.જેતે અધિકારીના ભરોસે અનાજ છાસ સહિતની વસ્તુઓ ઉધાર લાવી વેપારીઓએ પોલીસ સ્ટાફને મનગમતું ભોજન પીરસ્યું હતું છતાં બાકી રૂપિયા માટે વેપારીઓ હાલ વલોપાત કરતા જોવા મળી રહ્યા હોય તો માટે જવાબદાર કોણ..? જીલ્લા પોલીસ વડા બાબતે દરમીયાનગીરી કરી હોટલ માલિકોને ન્યાય અપાવે તેવી માંગ ઉઠી છે.

(1:08 am IST)
  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • બેકારી ચરમસીમાએઃ રેલવેમાં ખાલી પડેલી ૧.૪ લાખ નોકરીની જગ્યાઓ માટે ૨.૪૦ કરોડ ઉમેદવારોએ અરજી કરી છે access_time 3:36 pm IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST