Gujarati News

Gujarati News

News of Saturday, 24th October 2020

ધાનેરામાં ભંગારના ગોડાઉનમાં લાગી ભીષણ આગ :લાખો રૂપિયાનું નુકસાન

શોર્ટ સર્કિટના કારણે ભીષણ આગ લાગી

ધાનેરા શહેરમાં ભંગારના ગોડાઉનમાં શોર્ટ સર્કિટના કારણે ભીષણ આગ લાગી હતી. આ આગ લાગતા આજુબાજુના લોકો મોટી સંખ્યામાં ઘટના સ્થળે દોડી આવ્યા હતા અને મોડી રાત્રે ફાયર ફાઈટરની મદદથી આગને કાબૂમાં લેવામાં આવી હતી.

ધાનેરા શહેરમાં હાઈવે વિસ્તાર પર આવેલા ભંગાણના ગોડાઉનમાં આગ લાગતા ચારે બાજુ આગના ધૂમાડા ઉડતા નજરે પડ્યા હતા. આ આગને જોવા ઘટના સ્થળે લોકોના ટોળેટોળા ઉમટી પડ્યા હતા. આ આગના કારણે ધાનેરા શહેરમાં ભયનો માહોલ પણ જોવા મળ્યો હતો. ત્યારે આ આગ વધુ ફેલાય નહીં તે માટે સ્થાનિક લોકો દ્વારા આ આગની ઘટનાની જાણ તાત્કાલિક ધોરણે ધાનેરા નગરપાલિકાને કરવામાં આવતા ધાનેરા નગરપાલિકાના ફાયર ફાઇટરની ટીમ ઘટના સ્થળે પહોંચી આગને કાબૂમાં મેળવવાના પ્રયત્નો હાથ ધર્યા હતા. પરંતુ આગનું સ્વરૂપ એટલું વિશાળ હતું કે, તેના પર કાબૂ મેળવવામાં ફાયર ફાઇટરની ટીમને ભારે જહેમત કરવી પડી હતી. જોતજોતામાં આગનું સ્વરૂપ વિકરાળ થતા ધાનેરા શહેરમાં ભયનો માહોલ જોવા મળી રહ્યો હતો. જે બાદ અન્ય ફાયર ફાઈટરની મદદથી મોડી રાત સુધી આગને કાબૂમાં લેવાના પ્રયાસો કરવામાં આવ્યા હતા. જેમાં ફાયર ફાઈટરના સ્ટાફ દ્વારા ભારે જહેમતથી આ આગને કાબૂમાં લેવામાં આવી હતી.

(8:42 pm IST)
  • ભારત 30મીએ વુહાન મોકલશે ફ્લાઇટ : વંદે ભારત મિશન અંતર્ગત ચીન જનાર એરઇન્ડિયાની હશે છઠી ઉડાન : ચીનના વુહાન શહેરમાં પહેલીવાર કોરોના સંક્રમણનો કેસ સામે આવ્યો હતો : એરઇન્ડિયાની 30 ઓક્ટોબરે ઉડાંનું સંચાલન કરશે : બેઇજિંગ સ્થિત ભારતીય દૂતાવાસની જાહેરાત access_time 1:06 am IST

  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST

  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST