Gujarati News

Gujarati News

News of Saturday, 24th October 2020

ગાંધીનગર નજીક ચિલોડા દહેગામ હાઇવે પર આઈશરે રિક્ષાને હડફેટે લેતા બે યુવાનનું ગંભીર ઇજાથી મૃત્યુ

ગાંધીનગર:શહેર નજીક આવેલા ચિલોડા દહેગામ રોડ ઉપર ગઈકાલે બપોરના સમયે ડભોડામાં રહેતાં ત્રણ યુવાનો રીક્ષા લઈને દહેગામ તરફ જઈ રહયા હતા તે દરમ્યાન મગોડી પાસે સામેથી આવતા આઈશરે તેમની રીક્ષાને અડફેટે લેતાં ગંભીર ઈજાઓ પહોંચી હતી અને સારવાર માટે ખસેડાયા હતા. જયાં બે યુવાનોનું મોત નીપજયું હતું. જયારે એકની સારવાર કરવામાં આવી રહી છે. આ મામલે ચિલોેડા પોલીસે આઈશર ચાલક સામે ગુનો નોંધી તપાસ શરૂ કરી છે.   

ગાંધીનગર શહેરના હાઈવે માર્ગો ઉપર અકસ્માતની ઘટનાઓ વધી રહી છે ત્યારે ચિલોડા દહેગામ રોડ ઉપર પણ અકસ્માતના બનાવમાં બે યુવાનોના મોત નીપજયા હતા. જે સંદર્ભે ડભોડામાં રહેતાં રતિલાલ સોમાભાઈ પરમારે ફરીયાદ નોંધાવી છે કે તેમનો પુત્ર કિરણ રીક્ષા ચલાવે છે. ગઈકાલે બપોરના સમયે કિરણ તેની રીક્ષા નં.જીજે-૧૮-એવાય-૮૫૬૩ લઈને ડભોડા ગામમાં રહેતાં તેના મિત્ર મહેશકુમાર નરસીભાઈ પરમાર અને અલ્પેશ મંગાભાઈ પરમાર સાથે ડભોડાથી દહેગામ જવા નીકળ્યા હતા. રીક્ષા મગોડી નજીકથી પસાર થઈ રહી હતી ત્યારે રીક્ષા અલ્પેશ ચલાવતો હતો. તે સમયે સામેથી આવતાં આઈશર ટ્રક નં.જીજે-૧૮-એવી-૮૧૩૧ના ચાલકે આ રીક્ષાને ટક્કર મારતાં ત્રણેય યુવાનોને ગંભીર ઈજાઓ પહોંચી હતી અને તેમને તાત્કાલિક સારવાર માટે ગાંધીનગર સિવિલથી અમદાવાદ લઈ જવામાં આવ્યા હતા. જયાં સારવાર દરમ્યાન મહેશ અને અલ્પેશ પરમારનું મોત નીપજયું હતું. ત્યારે કિરણની સારવાર ચાલી રહી છે. આ મામલે ચિલોડા પોલીસે ટ્રકના ચાલક સામે અકસ્માતનો ગુનો નોંધી વધુ તપાસ શરૂ કરી છે. 

(5:14 pm IST)
  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST

  • રાજ્યમાં ફ્રન્ટલાઇન કોરોના વોરિયર્સની સંખ્યા ૨.૧૦ લાખ : ડેટાબેઝ તૈયાર કરવાની કાર્યવાહી : કેન્દ્રીય આરોગ્ય સચિવ સાથે વિડીયો કોન્ફોરન્સમાં આરોગ્ય સચિવ ડો. જયંતિ રવિએ સરકારને આંકડા આપ્યા access_time 3:38 pm IST

  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 53,934 કેસ નોંધાયા:કુલ કેસનો આંકડો 78,13,667 થયો :એક્ટીવ કેસ ઘટીને 6,80,881 થયા:વધુ 66,994 દર્દીઓ સ્વસ્થ થતા કુલ 70,13,569 રિકવર થયા : વધુ 655 લોકોના મોત સાથે કુલ મૃત્યુઆંક 1,17,992 થયો: રિકવરી રેઈટ 90 ટકાની નજીક પહોંચ્યો access_time 1:00 am IST