Gujarati News

Gujarati News

News of Saturday, 24th October 2020

વડોદરા: લોકડાઉનમાં ધંધો બંધ થઇ જતા રીક્ષા ચાલકે ગાંજાની હેરાફેરી શરૂ કરતા પોલીસે રંગે હાથે ઝડપી પાડ્યો

વડોદરા:લોકડાઉન દરમિયાન શહેરના જુદા જુદા વિસ્તારોમાં રિક્ષામાં ફરીને ગાંજાની પડીકીઓ વેચતા રિક્ષાચાલકને પોલીસે ઝડપી પાડી ગાંજાનો જથ્થો અને રોકડ રકમ કબજે લીધા હતા.

વુડા સર્કલ પાસે જલારામ નગરના નાકે રિક્ષામાં એક શખ્સ ગાંજાની પડીકીઓ વેચી રહ્યો હોવાની વિગતોના પગલે એસઓજીની ટીમે દરોડો પાડી ૧૫૦ ગ્રામ ગાંજો કબજે કર્યો હતો.જ્યારે,ગાંજાના વેચાણના રોકડા રૃા.૫૩૦૦ અને બે મોબાઇલ પણ કબજે કર્યા હતા.

પૂછપરછ દરમિયાન વિરેન્દ્ર ઉર્ફે નીકુ અમરજીત ઉપાધ્યાયે (રહે.જલારામ નગર, કારેલીબાગ) કબૂલ્યું હતું કે,આ ગાંજો તે વાઘોડિયારોડના રોનક  ઉર્ફે બાળુ ચૌહાણ પાસે છ મહિનાથી લાવી રહ્યો છે.

રૃા.૨૦૦ના ભાવે એક પડીકી લાવતો વિરેન્દ્ર ૨૫ થી ૩૦ તૈયાર પડીકીઓ વેચાય એટલે બીજી પડીકીઓ લાવતો હતો.પોલીસે રોનકને વોન્ટેડ જાહેર કરી ગાંજાના મુખ્ય સપ્લાયરની તપાસ હાથ ધરી છે.આ ઉપરાંત પોલીસે મોબાઇલના આધારે પણ તપાસ કરશે.

(5:10 pm IST)
  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST

  • ' આલે....લે " : ઉત્તર પ્રદેશમાં 1 કરોડ 9 લાખ ગ્રાહકો એવા છે કે જેમણે ક્યારેય વીજળીનું બિલ ભર્યું જ નથી : આ ગ્રાહકો પૈકી 96 ટકા ગ્રામ્ય વિસ્તારના છે જેમની પાસે અધધ...68 હજાર કરોડ રૂપિયા લેવાના બાકી છે : યુ .પી.પાવર કોર્પોરેશન લિમિટેડના ચેરમેને ટ્વીટર ઉપર આપી માહિતી access_time 1:33 pm IST

  • પાંચ ટીવી ચેનલોને જાહેર માફી પ્રસારીત કરવા NBSA દ્વારા આદેશ: સુશાંતસિંઘ રાજપૂતના મૃત્યુના સમાચાર પ્રસિદ્ધ કરવા સમયે પત્રકારિત્વના નિયમોનું ઉલ્લંઘન કરવા માટે આજતક, ઝીન્યૂઝ, ઇન્ડિયાટીવી અને અને ન્યૂઝ ૨૪ ને માફી પ્રસારિત કરવા ન્યૂઝ બ્રોડકાસ્ટીંગ સ્ટાનડર્ડ ઓથોરિટી (એનબીએસએ) એ આદેશ આપ્યા access_time 1:04 pm IST