Gujarati News

Gujarati News

News of Saturday, 24th October 2020

વડોદરાના કોઠી રોડ નજીક શો રૂમમાં પિતા-પુત્રીની ધમાલ:સીસીટીવી કેમેરા તોડી નાખતા પોલીસ ફરિયાદ

વડોદરા: શહેરના અકોટા પુરૂષોત્તમ નગરમાં રહેતા દિનેશભાઇ ઠક્કરનો ઇલેક્ટ્રોનિક્સનો શો રૂમ કોઠી ચાર રસ્તા પાસે આવેલો છે. કોઠી સમીર બિલ્ડીંગમાં આવેલી દુકાન દિનેશભાઇએ ખરીદી હતી. તે દુકાનની માલિકી બાબતે દિનેશભાઈ અને આજવા રોડની જનકલ્યાણ સોસાયટીમાં રહેતા મનુભાઈ ગિરધર નાગર વચ્ચે કોર્ટ કેસ ચાલે છે.

ગત 18મી તારીખે મનુભાઈ તેમની પુત્રી તથા તેમનો યુવક તેમના શો રૂમ પર આવ્યા હતા અને આ જગ્યા અમારી છે. દુકાન ખાલી કરી દો તેમ કહી ઝઘડો શરૂ કર્યો હતો. મનુભાઈની પુત્રીએ સ્ટાફને એવી ધમકી આપી હતી કે તમે ફરિયાદ કરશો તો તમને જાતીય સતામણીના તથા ચોરીના કેસમાં ફસાવી દઈશ.

મનુભાઈએ એવી પણ ધમકી આપી હતી કે હમણાં જ ડીસીબી ઓફિસમાં મળીને આવ્યો છું તમારાથી થાય તે કરી લો તેમજ આ લોકોએ દુકાનની બહાર દરવાજા પર લગાડેલા સીસીટીવી કેમેરા પણ તોડી નાખ્યા હતા. ઉલ્લેખનીય છે કે 18મી ઓક્ટોબરના બનાવ અંગે અઠવાડિયા પછી રાવપુરા પોલીસ સ્ટેશનમાં ફરિયાદ નોંધાવવામાં આવી છે.

(5:07 pm IST)
  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST

  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST

  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST