Gujarati News

Gujarati News

News of Saturday, 24th October 2020

વડોદરામાં લવ જેહાદની ઘટનાઃ રીક્ષાચાલક યુવકે સગીરાને પ્રેમજાળમાં ફસાવ્‍યા બાદ વારંવાર દુષ્‍કર્મ આચરતા ગર્ભવતી થતા ગર્ભપાત કરાવ્‍યોઃ મોહમ્‍મદ તોસિફ કાઝીની ધરપકડ

વડોદરા: શહેરના વાસણા રોડ પર 3 વર્ષ પહેલા 11માં ધોરણમાં અભ્યાસ કરતી સગીરા સાથે દુષ્કર્મ આચરનારા 34 વર્ષના વિધર્મી રીક્ષાચાલક યુવકની જે.પી રોડ પોલીસે અટકાયત કરી છે. રીક્ષાચાલક યુવકે સગીરાને પ્રેમજાળમાં ફસાવ્યા બાદ સગીરા પુખ્ત થઇ ત્યા સુધી તેની સાથે વારંવાર દુષ્કર્મ આચર્યું હતું. સગીરા ગર્ભવતી થઇ જતા તેણે ગર્ભપાત કરાવ્યો હતો. આ મુદ્દે પોલીસે યુવતીની ફરિયાદના આધારે ગુનો નોંધીને રિક્ષાચાલક મોહમ્મદ તોસિફ મોહમ્મદ શરીફ કાઝીની અટકાયત કરીને તેનો કોરોના ટેસ્ટ કરાવવા માટે તજવીજ હાથ ધરી હતી.

હાલ 20 વર્ષીય યુવતી 2017માં 11મા ધોરણમાં અભ્યાસ કરતી હતી. તે રિક્ષા ચલાવતા મોહમ્મદ તોસીફ મોહમ્મદ શરીફ કાજીની રીક્ષામાં અટલાદરામાં ટ્યૂશન ક્લાસમાં જતી હતી. જેથી તેના સંપર્કવામાં આવતા તોસીફે તેને પ્રેમજાળમાં ફસાવી લગ્નની લાલચ આપી હતી. સગીરાને તેના ટ્યૂશન ક્લાસમાંથી તોસીફ તેના વાસણા રોડ પર ફિરોજ નગરના મકાનમાં લઇ જતો હતો. વારંવાર સગીરાની મરજી વિરુદ્ધ દુષ્કર્મ કર્યું હતું. 2017થી 2019 સુધી સગીરા પુખ્ત થઇ ત્યા સુધી તોસીફે તેની સાથે વારંવાર દુષ્કર્મ આચર્યું હતું. જેથી સગીરા ગર્ભવતી થઇ હતી.

સગીરાને 4 માસનો ગર્ભ રહેતા તોસીફે તેને ગર્ભપાત કરવાની ગોળી આપી હતી. ત્યાર બાદ સગીરા સાથેનો સંબંધોના ફોટા પણ પાડ્યા હતા. જે વાયરલ કરવાની ધમકી આપી હતી. પોલીસે પોક્સો, આઇટી એક્ટ, ગર્ભપાત અંગેની કલમ અને દુષ્કર્મનો ગુનો નોંધી તોસીફ કાજીને ઝડપી લીધો હતો. અત્રે ઉલ્લેખનીય છે કે, યુવકી 18 વર્ષની ન હોવાથી તું 18 વર્ષની થાય પછી લગ્ન કરી લઇશું તેવી લાલચ આપીને વર્ષો સુધી દુષ્કર્મ આચર્યું હતું.

(4:16 pm IST)
  • ' આલે....લે " : ઉત્તર પ્રદેશમાં 1 કરોડ 9 લાખ ગ્રાહકો એવા છે કે જેમણે ક્યારેય વીજળીનું બિલ ભર્યું જ નથી : આ ગ્રાહકો પૈકી 96 ટકા ગ્રામ્ય વિસ્તારના છે જેમની પાસે અધધ...68 હજાર કરોડ રૂપિયા લેવાના બાકી છે : યુ .પી.પાવર કોર્પોરેશન લિમિટેડના ચેરમેને ટ્વીટર ઉપર આપી માહિતી access_time 1:33 pm IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST

  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 53,934 કેસ નોંધાયા:કુલ કેસનો આંકડો 78,13,667 થયો :એક્ટીવ કેસ ઘટીને 6,80,881 થયા:વધુ 66,994 દર્દીઓ સ્વસ્થ થતા કુલ 70,13,569 રિકવર થયા : વધુ 655 લોકોના મોત સાથે કુલ મૃત્યુઆંક 1,17,992 થયો: રિકવરી રેઈટ 90 ટકાની નજીક પહોંચ્યો access_time 1:00 am IST