Gujarati News

Gujarati News

News of Saturday, 24th October 2020

નરેશ કનોડિયાના મોતની અફવા ફેલાઇઃ પુત્ર હિતુ કનોડિયાએ ગેરમાર્ગે ન દોરાવવા અપીલ કરી

અમદાવાદ: ગુજરાતી ફિલ્મ ઇન્ડસ્ટ્રીઝના દિગ્ગજ અભિનેતા નરેશ કનોડિયાને કોરોના પોઝિટિવ થતા તેઓ હાલમાં હોસ્પિટલાઇઝ છે. ત્યારે હાલમાં સોશિયલ મીડિયામાં તેમના મોતને લઇને અફવા ફેલાઇ રહી છે. જો કે નરેશ કનોડિયાના પુત્ર હિતુ કનોડિયાએ પણ આને અફવા ગણાવી છે. હિતુ કનોડિયાએ જણાવ્યું કે, ‘હાલમાં તેમની તબિયત સ્થિર છે. નોંધનીય છે કે, બે દિવસ પહેલાં નરેશ કનોડિયાનો રિપોર્ટ પોઝિટિવ આવ્યો હતો. 77 વર્ષીય નરેશ કનોડિયાની તબીયત નાજુક થતા અમદાવાદની યુ.એન મહેતા હોસ્પિટલમાં તેમને દાખલ કરાયા હતાં. હાલમાં હજી ત્યાં સારવાર ચાલી રહી છે.

આ મામલે કેન્દ્રિય મંત્રી પરસોત્તમ રૂપાલાએ પણ ટ્વિટ કરીને તેમને શ્રદ્ધાંજલિ આપી હતી. જો કે બાદમાં તેમણે આ ટ્વિટ ડિલિટ કરી નાખ્યું હતું. અત્રે ઉલ્લેખનીય છે કે, 22 ઓક્ટોબરે યુ.એન. મહેતા હોસ્પિટલમાંથી નરેશ કનોડિયાની એક તસવીર પણ સામે આવી હતી, જેમાં તેઓ બેડ પર ઓક્સિજન માસ્ક સાથે સારવાર લેતા જોવા મળી રહ્યાં છે.

નરેશ કનોડિયાના મોતની અફવા ફેલાતા તેમના પુત્ર હિતુ કનોડિયાએ ફેસબુક પર એક વીડિયો પોસ્ટ કર્યો છે. જેમાં તેમણે કહ્યું છે કે, ‘તમારી સૌની પ્રાર્થના કામ કરી રહી છે. મારા પપ્પા સ્ટેબલ છે અને યુ.એન મહેતામાં તમામ ડોક્ટર મળીને તેમની સંભાળ લઇ રહ્યાં છે. બસ પ્રાર્થના કરો કે તેઓ જલ્દી સાજા થઇને હોસ્પિટલમાંથી બહાર આવે. ખાસ કરીને લોકોએ અફવાઓ પર ધ્યાન આપવું જોઇએ નહીં. લોકોને એવી અપીલ છે કે, આવી અફવાઓથી ન તો માત્ર દૂર રહે પરંતુ આવી અફવાઓ પણ ફેલાવવામાં ના આવે.

(4:15 pm IST)
  • હાઈવેની બાજુમાં જ રેલવે લાઈનઃ સરકાર બનાવી રહી છે એક મોટો પ્લાન : ૨૦૨૫ સુધીમાં કેન્દ્ર સરકાર જે નવા હાઈવે બનાવી દેવા માગે છે તેમાં અમદાવાદ- ધોલેરા, કાનપુર- લખનઉ, અમૃતસર- ભટિંડા- જામનગર, હૈદરાબાદ- રાયપુર, નાગપુર- વિજયવાડાનો પણ સમાવેશ થાય છે access_time 3:37 pm IST

  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST