Gujarati News

Gujarati News

News of Saturday, 24th October 2020

કાલથી રાજ્યમાં ત્રીજા તબક્કામાં વધુ ૪૦ વોલ્વો અને એસી બસો દોડાવાશે

રાજકોટ, ભાવનગર,અમરેલી, દ્વારકા,સોમનાથ, ભુજ અને મોરબીના મુસાફરોને મળશે લાભ

અમદાવાદ : એસટી નિગમ દ્વારા ત્રીજા તબક્કામાં કાલથી ૨૫મી ઓક્ટોબરથી વધુ ૪૦ વોલ્વો અને એસી બસો દોડાવવાનો નિર્ણય લીધો છે. અત્યાર સુધીમાં પ્રથમ અને બીજા તબક્કાની મળીને કુલ ૮૦ બસો દોડતી હતી જેમાં વધુ ૪૦ બસનો ઉમેરો થશે. આમ કુલ ૧૮૦ પ્રીમિયમ એસટી સર્વિસમાંથી ૧૨૦ બસો દોડતી થશે.

નવી શરૂ કરાયેલી બસોમાં વોલ્વો સીટર-૧૭, એસી સીટર-૧૩ અને એસી સ્લીપરની ૧૦ બસોનો સમાવેશ કરવામાં આવ્યો છે. નવી ઉમેરાયેલી એસટીની બસો દ્વારા રોજનું કુલ ૧૭,૯૯૨ કિ.મીનું અંતર કાપવામાં આવશે.

એસટી નિગમ દ્વારા પ્રથમ તબક્કામાં ગત ૨૨મી ઓગસ્ટે વોલ્વો  અને એસી સુવિધા વાળી ૪૦ જી્ બસોનું સંચાલન શરૂ કરવાનો  નિર્ણય લીધો હતો. બાદમાં ૧૧મી  સપ્ટેમ્બરથી બીજા તબક્કામાં વધુ ૪૦ વોલ્વો અને એસી એસટી બસ દોડાવવાનો  નિર્ણય કરવામાં આવ્યો હતો.

રવિવારથી શરૂ થનારી નવી એસટી બસોમાં વોલ્વો સીટર બસ નહેરૂનગરથી નવસારી, અમદાવાદથી રાજકોટ અને નહેરૂનગરથી વડોદરા વચ્ચે ચાલશે. એસી સીટર બસ અમદાવાદથી ભાવનગર, ગાંધીનગરથી અમરેલી, અમદાવાદથી મોરબી અને અમદાવાદથી ડીસા વચ્ચે ચાલશે.

એસી સ્લીપર બસ ગાંધીનગરથી દ્વારકા, ગાંધીનગરથી સોમનાથ, ગાંધીનગરથી ભુજ, ગાંધીનગરથી દિવ અને વડોદરાથી ભુજ વચ્ચે દોડાવવામાં આવશે.

(11:22 am IST)
  • મુંબઇથી હનીમૂન માટે કતાર ગયેલા કપલને સંબંધીએ ડ્રગ્સ તસ્કરીમાં ફસાવ્યા :૧૦ વર્ષની થઇ જેલઃ નારકોટિકસ કંટ્રોલ બ્યૂરો (NCB) રાજનૈતિક ચેનલ્સ દ્વારા આ કપલને ભારત લાવવાનો પ્રયાસ કરી રહી છે access_time 11:25 am IST

  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST

  • દેશમાં કોરોના ધીમો પડ્યો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 49,865 કેસ નોંધાયા:કુલ કેસનો આંકડો 78,63,533 થયો :એક્ટીવ કેસ ઘટીને 6,68,395 થયા:વધુ 61,704 દર્દીઓ સ્વસ્થ થતા કુલ 70,75,273 રિકવર થયા :વધુ 567 લોકોના મોત સાથે કુલ મૃત્યુઆંક 1,18,559 થયો: access_time 1:30 am IST