Gujarati News

Gujarati News

સમાચાર ગુજરાતસમાચાર ગુજરાત
News of Saturday, 24th October 2020

મર્યાદા પૂરી થયા બાદ લર્નિંગ લાયસન્સ રિન્યુ કરાવી શકાશે

ગુજરાતના વાહનચાલકોને લર્નિંગ લાયન્સમાં રાહત : અરજદારે ૧૫૦ ફી ચૂકવવી પડશે, પાકા લાયસન્સ માટે ફરી ફી નહીં ભરવી પડે : સરકારનો મહત્વનો નિર્ણય

ગાંધીનગર, તા. ૨૩ : ગુજરાતના નાગરિકો અને વાહનચાલકોને આજે એક મોટા ખુશખબર મળી રહ્યા છે. આજે પણ રાજ્યમાં એવા કેટલાયે લોકો છે જેમને ડ્રાઈવિંગ લાયસન્સ કઢાવવાના બાકી છે, પરંતુ જેના લર્નિંગ ડ્રાઈવિંગ લાયસન્સ નીકળી ગયું છે અને હવે સમય મર્યાદા પુરી થવામાં છે તો ચિંતા કરવાની જરૂર નથી. હવે સરકાર ના નિર્ણયથી લર્નિંગ ડ્રાયવિંગ લાયસન્સને રીન્યુ કરી શકાશે. એટલું જ નહીં, જે તે વાહનચાલકની લર્નિંગ ડ્રાઈવિંગ લાયસન્સની મર્યાદા પૂર્ણ થઈ હોય તેવા અરજદાર રીન્યુ કરાવી શકશે. તેના માટે રૂપિયા ૧૫૦ ફી આપવી પડશે અને ૬ મહીનાની મર્યાદા માટે રીન્યુ કરી અપાશે. પાકા લાયસન્સ માટે ફરીથી ફી નહીં ભરવી પડે.

આ વિશે મળતી માહિતી પ્રમાણે, રાજ્યના વાહનવ્યવહાર વિભાગ તરફથી આજે એક મોટો નિર્ણય લેવાયો છે. રાજ્યમાં હવે કોઈ પણ નાગરિકની પાસે લર્નિગ લાયસન્સ હોય અને તેની અવિધિ પુરી થવામાં હોય તો ચિંતા કરવાની જરૂર નથી, હવે સમય મર્યાદા પુરી થઈ ગયા પછી તેને ફરીથી રીન્યુ કરી શકાશે. લર્નિગ લાયસન્સ સમય મર્યાદા પૂર્ણ થઈ હોય તેવા અરજદારોએ વાહનવ્યવહાર વિભાગની કચેરીમાં (આરટીઓ) રીન્યૂ કરાવી શકશે

કોઈ પણ નાગરિક આરટીઓમાં ૧૫૦ રૂપિયા ભરીને લર્નીગ લાયસન્સ રીન્યુ કરાવી ૬ મહિનાની સમય મર્યાદા વધારી શકે છે. ત્યારબાદ પાકા લાયસન્સ માટે ફરીથી ફી ભરવાની રહેશે નહીં. પરંતુ એક ખાસ વાત જણાવવાની કે લર્નિગ લાયસન્સ રીન્યુ કર્યા એક મહિના પછી અને ૬ મહિના પહેલા પાકા લાયસન્સ માટેની એપોઇમેન્ટ લેવાની રહશે.

લોકડાઉન દરમિયાન આરટીઓ કચેરી બંધ હતી. જેના કારણે અનેક નાગરિકોના લર્નિંગ લાઈસન્સ પુરા થવામાં છે. ત્યારે આ નિર્ણય લેવાયો છે. પરંતુ હવે અનલોકમાં રાજ્યભરની આરટીઓ કચેરીઓ ખુલતા એપોઇમેન્ટમાં વેટિંગ હોવાના કારણે સમયસર એપોઇમેન્ટ મળતી નથી. જેથી સરકારે અરજદારોની સુવિધા માટે સમય મર્યાદા વધારી છે.
(9:02 pm IST)
છેલ્લા 8 દિવસમાં સૌથી લોકપ્રિય
સમાચાર ફટાફટ

  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • ' આલે....લે " : ઉત્તર પ્રદેશમાં 1 કરોડ 9 લાખ ગ્રાહકો એવા છે કે જેમણે ક્યારેય વીજળીનું બિલ ભર્યું જ નથી : આ ગ્રાહકો પૈકી 96 ટકા ગ્રામ્ય વિસ્તારના છે જેમની પાસે અધધ...68 હજાર કરોડ રૂપિયા લેવાના બાકી છે : યુ .પી.પાવર કોર્પોરેશન લિમિટેડના ચેરમેને ટ્વીટર ઉપર આપી માહિતી access_time 1:33 pm IST

  • સોમવાર સુધી મહારાષ્ટ્ર અને કોંકણમાં ગાજવીજ સાથે વરસાદ ચાલુ રહેશે :જાણીતા વેધર વોચર શ્રી અક્ષય દેઓરસએ ટવીટ કરી કહયું છે કે તા.૨૬ના સોમવાર સુધી સોલાપુર, સાંગલી, સતારા, કોલ્હાપુર, પુણે, સિંધુદર્ગ, રત્નાગીરી, રાયગઢ, નાસિક જીલ્લો અને મુંબઇમાં ગાજવીજ સાથે વરસાદ પડી શકે છે. access_time 3:04 pm IST

મુખ્ય સમાચાર
સમાચાર રાજકોટ
સૌરાષ્ટ્ર કચ્છ
સમાચાર ગુજરાત
દેશ-વિદેશ
એન. આર. આઈ. સમાચાર
ખેલ-જગત
ફિલ્મ જગત