Gujarati News

Gujarati News

News of Thursday, 24th September 2020

રાજ્યમાં છેલ્લાં પાંચ વર્ષમાં પશુચોરીના 1069 કેસો :556 ગુન્હા ઉકેલાયા : 1725 આરોપીઓ ઝડપાયા : હજુ 154 પકડવાના બાકી

ગૌવંશ પર એસિડ છાંટવાના કેસોમાં અત્યાર સુધીમાં કુલ નવ આરોપીઓ પકડાયા

અમદાવાદ : ભાજપના રાજમાં હવે પશુઓ પણ સલામત નથી. વિધાનસભામાં આજે રાજ્ય સરકારે રજૂ કરેલાં જવાબ મુજબ 31-12-2019 ની પરિસ્થિતિએ છેલ્લાં પાંચ વર્ષમાં ગુજરાતમાં પશુચોરીના 1069 કેસો નોંધાયા છે, જે પૈકીના 556 ગુનાઓ ઉકેલવામાં આવ્યા છે.

વિધાનસભાની પ્રશ્નોત્તરીમાં રાજ્ય સરકારે આજે જવાબ રજૂ કર્યો છે કે છેલ્લાં પાંચ વર્ષમાં ગાય, ભેંસ અને બળદ જેવા પશુઓની ચોરીના કુલ 1069 બનાવો રાજ્યમાં નોંધાયા છે. જે પૈકીના 556 ગુનાઓ ઉકેલવામાં આવ્યા છે અને બાકીના ગુનાઓ ઉકેલવાના બાકી છે. આ ઉપરાંત આ ગુનાઓ હેઠળના 1725 આરોપીઓ પકડાઇ ચૂક્યા છે અને 154 આરોપીઓ હજુ પકડાવાના બાકી છે. પશુચોરીના કેસો બાબતે આણંદ, સાબરકાંઠા, અરવલ્લી, મહેસાણા, પાટણ માં દર વર્ષે અન્ય વિસ્તારો વધુ કેસો નોંધાય છે.

આ ઉપરાંત છેલ્લાં પાંચ વર્ષમાં ગૌવંશ પર એસિડ છાંટવાના કુલ 12 બનાવો આઠ જિલ્લામાં નોંધાય છે. આ જિલ્લાઓમાં આણંદ, કચ્છ, ભાવનગર, પોરબંદર, જૂનાગઝ, રાજકોટ, સુરેન્દ્રનગર અને વડોદરાનો સમાવેશ થાય છે. ગૌવંશ પર એસિડ છાંટવાના કેસોમાં અત્યાર સુધીમાં કુલ નવ આરોપીઓ પકડાયા છે અને બાકીના આરોપીઓ હજુ પકડાવાના બાકી છે.

(7:12 pm IST)
  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • એક બીજી ઘટનામાં જમ્મુ-કાશ્મીર પોલીસના જણાવ્યા અનુસાર અવંતિપોરાના ત્રાલ ખાતે એન્કાઉન્ટર શરૂ થઈ ગયું છે. એક આતંકવાદી માર્યો ગયો છે, જેની ઓળખ થઈ નથી. પોલીસ અને સુરક્ષા દળ સ્થળ પર હાજર છે access_time 9:48 am IST

  • દેશમાં કોરોનાનો કહેર : રાત્રે 12 વાગ્યા સુધીમાં નવા 84,269 પોઝીટીવ કેસ નોંધાયા : કુલ કેસની સંખ્યા 57,27,750 થઇ: હાલમાં 9,68,690 એક્ટિવ કેસ : વધુ 82,686 દર્દીઓ સ્વસ્થ થતા કુલ 46,67,078 લોકોએ કોરોનાને મ્હાત આપી : વધુ 1113 લોકોના મોત સાથે મૃત્યુઆંક 91,163 થયો access_time 1:03 am IST