Gujarati News

Gujarati News

News of Thursday, 24th September 2020

આણંદ: મોગરમાં પાણી ઢોળવા જેવી બાબતે થયેલ ઝઘડામાં ઉશ્કેરાયેલ શખ્સે ચપ્પુથી જીવલેણ હુમલો કરતા ગુનો દાખલ

આણંદ:મોગરમાં પાણી ઢોળવા મામલે થયેલ ઝઘડામાં ઉશ્કેરાયેલા ઇસમે એક વ્યકિતને કાનની નીચે ચપ્પુ માર્યુ હતું. જયારે અન્ય બે ઇસમોને લોખંડના સળિયાથી માર માર્યાની ફરિયાદ નોંધાઇ હતી.

મળતી વિગતોમાં મોગરમાં આવેલ સત્યેન્દ્ર પેકેજીંગ કંપનીમાં ક્રિષ્ણાભાઇ માહલુ નોકરી કરે છે અને કંપનીમાં આવેલ ઓરડીમાં રહે છે. ગત ર૧મીની રાત્રિના સાડા દસેક વાગ્યાના સુમારે સત્યેન્દ્ર, ફુલચરણ અને રામરાજ ક્રિષ્ણાભાઇની ઓરડી પાસે આવ્યા હતા. આ ત્રણેયએ ગાળાગાળી કરીને અમારી ઓરડી પાસે પાણી કેમ ઢોળો છો કહીને ઝઘડો કર્યો હતો.

દરમ્યાન નરેશપાલે ઉશ્કેરાઇને ક્રિષ્ણાભાઇના કાનની નીચે ચપ્પાનો ઘા કર્યો હતો. જયારે રામરાજ અને ફુલચરણે પ્રકાશભાઇ અને અમિતભાઇને લોખંડના સળિયા અને ગડદાપાટુનો માર માર્યો હતો. બૂમબરાડા થતા નજીક રહેતા લોકો આવી પહોંચતા ત્રણેય ત્યાંથી રવાના થઇ ગયા હતા. ત્યારબાદ તે ત્રણેયનું ઉપરાણું લઇને અન્ય લોકો આવ્યા હતા અને ક્રિષ્ણાભાઇ સહિતનાઓને માર માર્યો હતો. આ અંગે ક્રિષ્ણાભાઇએ ફરિયાદ નોંધાવતા વાસદ પોલીસે છ વ્યકિતઓ સામે ગૂનો દાખલ કરીને તપાસ હાથ ધરી છે.

(5:36 pm IST)
  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • શેરબજારઃ સેન્સેક્સ અને નિફ્ટીમાં મોટો કડાકો, સેન્સેક્સમાં 1147 પોઇન્ટનો ઘટાડો અને નિફ્ટી 337 પોઇન્ટ તુટી, વૈશ્વિક બજારોમાં નરમાઇની ભારતીય બજારમાં અસર, નિફ્ટી 17 જુલાઇ બાદ 10,800ની નીચે જોવા મળી access_time 4:28 pm IST

  • આજ ગુરુવારે સેન્સેક્સમાં 1115 પોઈન્ટનો ઘટાડો થતા રોકાણકારોએ એક જ દિવસમાં 3.95 લાખ કરોડ રૂપિયા ગુમાવ્યા : મે મહિના પછીનું સૌથી સૌથી મોટું ગાબડું access_time 6:25 pm IST