Gujarati News

Gujarati News

News of Thursday, 24th September 2020

મહુધા તાલુકાના ખુંટજ નજીક ચાલુ આઇશરમાં જુગાર રમતા 12 શકુનિઓને પોલીસે ઝડપી પાડ્યા

મહુધા:તાલુકાના ખુંટજથી નડિયાદ તરફ આવતાં આઈશરમાં જુગારધામ ચાલતું હોવાની બાતમીને આધારે ખેડા જિલ્લા એલસીબી પોલીસની ટીમ ગાડીઓ લઈ આઈશરની શોધમાં નડિયાદથી ખુંટજ તરફ ગઈ હતી. મહુધા તાલુકાના મુળજ નજીક પોલીસે આઈશર તેમજ તેની આગળ પેટ્રોલીંગ કરતી અલ્ટો ગાડીને અટકાવી હતી. તપાસ કરતા આઈશરમાં બેસી પત્તાપાનાનો જુગાર રમતાં ૧૨ ઈસમો તેમજ આઈશર ચાલક, અલ્ટો ગાડી ચાલક અને ગાડીમાં સવાર અન્ય એક ઈસમ મળી કુલ ૧૫ ઈસમોને ઝડપી પાડ્યાં હતાં. આઈશર, કાર, મોબાઈલ, રોકડ સહિત કુલ રૂ.૭,૦૮,૬૪૦ નો મુદ્દામાલ કબજે લઈ પકડાયેલા ૧૫ ઈસમો વિરૂધ્ધ જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.

મળતી માહિતી મુજબ નડિયાદ તાલુકાના ડભાણમાં રહેતો ઉસ્માનગની ઉર્ફે મુન્નો ઈબ્રાહીમગની વ્હોરા આઈશર નં જીજે ૦૯ એવી ૩૬૭૭ માં માણસો બેસાડી ચાલુ વાહને જુગાર રમાડી પોતે આઈશરની આગળ અલ્ટો કાર નં જીજે ૦૭ ડીસી ૪૮૩૫ માં પેટ્રોલીંગ કરતો હોવાની બાતમી ખેડા જિલ્લા એલસીબી પોલીસને મળી હતી. ગતરોજ બપોરના સમયે આઈશર મહુધા તાલુકાના વણસોલથી ખુંટજ થઈ નડિયાદ તરફ આવતી હોવાની માહિતીને આધારે પોલીસની ટીમ નડિયાદથી ખુંટજ તરફ જવા નીકળી હતી.

(5:34 pm IST)
  • દેશમાં કોરોના કેસનો આંકડો 57 લાખને પાર પહોંચ્યો : રાત્રે 10 વાગ્યા સુધીમાં નવા 58 હજારથી વધુ કેસ ઉમેરાયા :નવા કેસ કરતા સ્વસ્થ થનારની સંખ્યામાં સતત વધારો access_time 10:22 pm IST

  • આજ ગુરુવારે સેન્સેક્સમાં 1115 પોઈન્ટનો ઘટાડો થતા રોકાણકારોએ એક જ દિવસમાં 3.95 લાખ કરોડ રૂપિયા ગુમાવ્યા : મે મહિના પછીનું સૌથી સૌથી મોટું ગાબડું access_time 6:25 pm IST

  • સુશાંતસિંહ રાજપૂત કેસ : બોલીબુડમાં હળકંપ : સુશાંતસિંહ રાજપૂતની ભૂતપૂર્વ ટેલેન્ટ મેનેજર, જયા સહા, જેમને નાર્કોટિક્સ કંટ્રોલ બ્યુરો દ્વારા બોલીવુડમાં કથિત ડ્રગ્સ નેક્સસ સાથે જોડાણ અંગે પૂછપરછ કરવામાં આવી રહી છે, તેની પૂછતાજમાં વધુ 4 મોટા ગજાના એ-લિસ્ટર હીરોના નામ જણાવ્યા છે તેમ આધારભૂત સૂત્રોમથી જાણવા મળે છે. ટૂંક સમયમાં NCB આ એક્ટરોને પૂછપરજ માટે બોલાવી શકે છે access_time 9:48 am IST