Gujarati News

Gujarati News

News of Thursday, 24th September 2020

વડોદરાના ન્યુ સમા રોડ વિસ્તારમાં માસ્ક પહેરવાનું કહેતા વેપારી પર ટોળાનો હુમલો:ફર્નિચરના શોરૂમમાં તોડફોડ કરતા પોલીસ ફરિયાદ

વડોદરા: શહેરના ન્યૂ સમા રોડ વિસ્તારમાં સેવા સપ્તાહ નિમિત્તે સફાઈ કામ કરતા ફર્નિચરના એક વેપારી ઉપર ટોળાએ હુમલો કરી વાહન અને ફર્નિચરના શોરૂમમાં તોડફોડ કરી હતી.

નવું સમારોહની સંકેત સોસાયટીમાં રહેતા ફર્નિચરના વેપારી પ્રણવભાઈ મહેતા ગઈ કાલે સવારે પોતાના કમ્પાઉન્ડની બહાર સાફ સફાઈનું કામ કરતા હતા તે દરમિયાન નજીકમાં આવેલી અભિલાષા ચોકડી પાસેથી કેટલાક શ્રમજીવીઓ નીકળ્યા હતા.

આ પૈકી એક શ્રમજીવી એ થૂકતા પ્રણવભાઈ ના હાથ બગડ્યો હતો. જેથી તેમણે શ્રમજીવીને માસ્ક પહેરવાનું કહી માસ્ક ના હોય તો હું આપુ... તેમ કહ્યું હતું.

દરમિયાનમાં આઠથી દસ શ્રમજીવીઓનું ટોળું ધસી આવ્યું હતું અને પ્રણવભાઈ પર હુમલો કર્યો હતો. તેઓ ઘરમાં દોડી જતા હુમલાખોરોએ પથ્થરમારો કરી ફર્નિચરના શોરૂમમાં નુકસાન કર્યું હતું તેમજ કારની પણ તોડફોડ કરી હતી. આ વખતે વેપારીની પુત્રી દોડી આવતા તેને પણ ઇજા થઇ હતી. સમા પોલીસે રાયોટીંગનો ગુનો નોંધી તપાસ હાથ ધરી છે.

(5:25 pm IST)
  • આસામ સરકારે 12 મા ધોરણના બોર્ડના અભ્યાસક્રમમાં 30 ટકાનો ઘટાડો કર્યો : 1984 ની સાલના શીખ દંગલ ,ગુજરાતનું નવનિર્માણ આંદોલન ,2002 ની સાલના કોમી રમખાણો ,તથા અયોધ્યા વિવાદ મામલો સહિતના ચેપટર કાઢી નાખ્યા access_time 11:39 am IST

  • ખાનગી શાળાઓની ફી માં ઘટાડાનો મામલે કોંગ્રેસનું ગૃહમાંથી વોકઆઉટ, કોંગ્રેસ નેતા પરેશ ધાનાણીએ સરકાર પર લગાવ્યા આરોપ, 'સરકાર રાજકીય રોટલા શેકવા મસ્ત છે અને બીજી બાજુ ગુજરાતના યુવાધનનું ભવિષ્ય અંધકારમાં ધકેલાઈ રહ્યું છે' access_time 4:28 pm IST

  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST