Gujarati News

Gujarati News

News of Thursday, 24th September 2020

વડોદરામાં ઝાડેશ્વરનગરમાં જુથ અથડામણમાં ટોળાએ પોલીસ પર હુમલો કરતા ASI ઘાયલ

ટોળાએ બાઇકને પણ આગ આપી હતી : ઘટના સ્‍થળે ચાંપતો બંદોબસ્‍ત ગોઠવાયો

વડોદરા : શહેરમાં ઘણી વાર જૂથ અથડામણ થતી હોવાની ઘટનાઓ સામે આવી છે. ત્યારે તાજેતરમાં જ ઝાડેશ્વરનગર યુ.એલ.સી વસાહતમાં મોડી રાત્રે જૂથ અથડામણ થઇ હતી. જૂથ અથડામણમાં ટોળાંને વિખેરવા ગયેલી પોલીસ ટોળાંના ગુસ્સાનો ભોગ બની હતી. અથડામણમાં ટોળાંએ પોલીસની બાઇક સળગાવી દીધી હતી અને પોલીસ પર પથ્થરમારો શરૂ કરી દીધો હતો. આ હુમલામાં PCR વાનના એક ASIને ગંભીર ઇજા પહોંચી હતી.

નોંધનીય છે કે આ હુમલા બાદ ASIને હાથમાં ગંભીર ઇજા પહોંચી હતી. જો કે બાદમાં તેમને હોસ્પિટલ લઇ જવાતા તેમના હાથમાં ફ્રેક્ચર હોવાનું માલૂમ થયું હતું. શહેરના અક્ષર ચોકથી સનફાર્મા રોડ પર ઝાડેશ્વરનગર યુ.એલ.સી વસાહતમાં મોડી રાત્રે જૂથ અથડામણ થઇ હતી. જો કે આ ઘટના બાદ મોટી સંખ્યામાં પોલીસ કાફલો ઘટનાસ્થળે ખડકી દેવામાં આવ્યો હતો.

મળતી માહિતી મુજબ, ઝાડેશ્વરનગરના યુ.એલ.સી વસાહત ખાતે રાત્રે બે જૂથ વચ્ચે કોઇ બાબતને લઈને તકરાર થઈ હતી. જ્યાર બાદ પોલીસ મામલાને થાળે પાડવા પહોંચી હતી. પરંતુ ઉલ્ટાનું પોલીસને જોઈને ટોળાંએ તેમની પર પથ્થરમારો શરૂ કરી દીધો હતો.

આ દરમિયાન ટોળાંએ LRD જવાનની એક બાઇકને આગ પણ ચાંપી દીધી. આ હુમલામાં પથ્થરમારાને કારણે પોલીસ કંટ્રોલ રૂમની વાનના આસિસ્ટન્ટ પોલીસ ઇન્સ્પેક્ટર (ASI) વિનોદભાઈના હાથને ગંભીર ઇજા પણ પહોંચી હતી. જેમાં ખાનગી હૉસ્પિટલ ખાતે સારવાર દરમિયાન ડૉક્ટરે તેમને હાથમાં ફ્રેક્ચર હોવાનું જણાવ્યું હતું.

(8:45 am IST)
  • આસામ સરકારે 12 મા ધોરણના બોર્ડના અભ્યાસક્રમમાં 30 ટકાનો ઘટાડો કર્યો : 1984 ની સાલના શીખ દંગલ ,ગુજરાતનું નવનિર્માણ આંદોલન ,2002 ની સાલના કોમી રમખાણો ,તથા અયોધ્યા વિવાદ મામલો સહિતના ચેપટર કાઢી નાખ્યા access_time 11:39 am IST

  • સુશાંતસિંહ રાજપૂત કેસ : બોલીબુડમાં હળકંપ : સુશાંતસિંહ રાજપૂતની ભૂતપૂર્વ ટેલેન્ટ મેનેજર, જયા સહા, જેમને નાર્કોટિક્સ કંટ્રોલ બ્યુરો દ્વારા બોલીવુડમાં કથિત ડ્રગ્સ નેક્સસ સાથે જોડાણ અંગે પૂછપરછ કરવામાં આવી રહી છે, તેની પૂછતાજમાં વધુ 4 મોટા ગજાના એ-લિસ્ટર હીરોના નામ જણાવ્યા છે તેમ આધારભૂત સૂત્રોમથી જાણવા મળે છે. ટૂંક સમયમાં NCB આ એક્ટરોને પૂછપરજ માટે બોલાવી શકે છે access_time 9:48 am IST

  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST