Gujarati News

વાપી:ના ગુંજન વિસ્તારમાં આવેલી જુની ગુજરાત હાઉસીંગ બોર્ડ સોસાયટીની બિલ્ડીંગ નં. ૧૩માં અગાસી પર ૬૦ ફૂટ લાંબી દિવાલનો અડધો ભાગ તૂટી પડતાં રહીશોમાં દોડધામ મચી ગઇ હતી. જર્જરિત બિલ્ડીંગની દિવાલ તૂટી પડયા બાદ કાટમાળ નીચે પાંચ મકાન પર પડતા તરૂણી સહિત ત્રણ વ્યક્તિઓ દબાઇ જતાં ગંભીર ઇજા થતાં હોસ્પિટલમાં ખસેડાયા હતા.

વાપીના ગુંજન વિસ્તારમાં જુની ગુજરાત હાઉસીંગ બોર્ડ સોસાયટીની બિલ્ડીંગો લાંબા સમયથી જર્જરિત હાલતમાં આવી ગયા બાદ પણ વહીવટીતંત્ર દ્વારા કોઇ ગંભીરતા લેવામાં નહીં આવતાં વધુ એક હોનારતનો કિસ્સો પ્રકાશમાં આવ્યો છે.