Gujarati News

Gujarati News

News of Monday, 24th June 2019

વડગામના નાંદોત્રામાં ખેતર માલિકની પુત્રીના હત્યારાનું મકાન સળગાવવામાં આવતાં ચકચાર

ભાગીયાએ ખેતર માલિકની પુત્રી પર કુદ્રષ્ટિ રાખી :તાબે નહિ થતા ચપ્પાના ઘા ઝીકી નિર્મમ હત્યા કરી :આરોપી ઝડપાયા બાદ ખારોડી ગામે ત્રણ મકાનો સળગાવાયાં

વડગામ તાલુકાના નાંદોત્રા ગામે ખેતરમાં રાખેલા ભાગીયાએ કુ-દ્રષ્ટિ રાખી ખેતર માલિકની પુત્રીની ચપ્પાના ઘા ઝીંકી નિર્મમ હત્યા કરતાં ચકચાર મચી જવા પામી હતી. પોલીસે ગણત્રીના કલાકોમાં હત્યારા શખ્સને ઝડપી લીધો હતો. દરમિયાન આ આરોપીના ખરોડીયા ગામે આવેલા ત્રણ મકાનને કોઇ અજાણ્યા શખ્સોએ સળગાવતાં ચકચાર મચી જવા પામી. છે.

  આ અંગેની વિગત મુજબ નાંદોત્રા ગામના ખેડૂત મોઘજીભાઇ વીરસંગભાઇ ચૌધરીએ તેમના ખેતરમાં કામ કરવા માટે ખરોડીયા ગામના રાહુલ દશરથભાઈ ભરથરીને ભાગીયા તરીકે રાખ્યો હતો. જે મોઘજીભાઇની દીકરી મેઘના ઉપર કુદ્રષ્ટિ રાખતો હતો. આ શખ્સે એક તરફી પ્રેમમાં તાજેતરમાં મેઘનાના ગળાના ભાગે ઘા મારી નિર્મમ હત્યા કરી હતી.

   આ અંગે મોઘજીભાઇ વીરસંગભાઈ ભટોળે ફરિયાદ નોંધાવતાં પોલીસે ગણત્રીના કલાકોમાં જ હત્યારા નરાધમને ઝડપી લઇ જેલના સળીયા પાછળ ધકેલી દીધો હતો. દરમિયાન હત્યારાને ફાંસીની સજા આપવા માટેની માંગ વચ્ચે ખરોડીયા ગામે આવેલા તેના પરિવારના ત્રણ મકાનને અજાણ્યા શખ્સોએ આગ ચાંપતા ભારે ઉત્તેજના પ્રસરી જવા પામી હતી. આ અંગે સૂત્રોએ જણાવ્યું હતુ કે, મકાનોને અંદરના ભાગેથી આગ ચાંપવામાં આવી હતી. જેમાં પડેલી ઘરવખરી બળીને ખાખ થઇ ગઇ હતી.

(11:08 pm IST)
  • ઐતિહાસિક મંદિરમાં તસ્કરો ત્રાટક્યા :ચંબલમાં 50 વર્ષ જૂની બે ડઝન મૂર્તિઓની ચોરી :ચંબલ ઘાટીમાં વસેલા ફુપના જૈન મંદિરમાંથી 22 મૂર્તિઓની ચોરી થતા સનસનાટી :તમામ મૂર્તિઓ ઐતિહાસિક અને અને અંદાજે 50 વર્ષ જૂની ગણાવાઈ છે :ચોરાયેલ તમામ મૂર્તિઓ કિંમતી અને અષ્ટધાતુની હતી access_time 10:54 pm IST

  • ગુજરાતમાં ત્રણ-ચાર દિવસ વરસાદની આવન-જાવન ચાલુ રહેશેઃ હવામાનની સંસ્થા સ્કાયમેટે જણાવ્યું છે કે અમદાવાદમાં ખૂબ સારો વરસાદ પડી ગયોઃ ગુજરાતમાં આવતા ત્રણ- ચાર દિવસ વરસાદની આવન- જાવન ચાલુ રહેશેઃ જયારે કચ્છમાં છુટોછવાયો વરસાદ પડશે access_time 11:41 am IST

  • જૂનાગઢ મહાનગર પાલિકાની 21મી જુલાઈએ ચૂંટણી :23મી જુલાઈએ મતગણતરી :ગાંધીનગર મનપાના વોર્ડ,ન,3ની પેટાચૂંટણી અને જિલ્લા-તાલુકા પંચાયતની ખાલી પડેલી બેઠકો માટે પણ 21મી જુલાઈએ થશે મતદાન: 6ઠ્ઠી જુલાઈથી ઉમેદવારીપત્ર રજૂ કરી શકાશે :9મીએ ઉમેદવારીપત્ર પરત ખેંચવાની અંતિમ તારીખ access_time 7:03 pm IST