Gujarati News

Gujarati News

News of Monday, 24th June 2019

અમદાવાદમાં મહિલા ASIએ તેના પતિ વિરૂદ્ધ નોધાવી પોલીસ ફરિયાદ:સાસરિયાઓએ 20 લાખનું માગ્યું દહેજ

પતિ દહેજ આપનારી પ્રેમિકા સાથે રહેવા લાગ્યો હોવાનો પણ આક્ષેપ

અમદાવાદ: અમદાવાદમાં મહિલા પોલીસકર્મીએ પોતાના પતિ વિરુદ્ધ પોલીસ ફરિયાદ નોંધાવી છે શહેરના પૂર્વવિસ્તારમાં એક પોલીસ સ્ટેશનમાં નોકરી કરતી મહિલા પોલીસકર્મીએ તેના સાસરિયાઓ 20 લાખ રૂપિયા દહેજ માંગી ત્રાસ ગુજારતા હોવાનો આક્ષેપ કરતી ફરિયાદ નોંધાવી છે. મહિલા એએસઆઇનો પતિ દહેજ આપનારી પ્રેમિકા સાથે પણ રહેવા લાગ્યો હોવાનો પણ આક્ષેપ કરવામાં આવ્યો છે.               
પોલીસકર્મી તરીકે નોકરી કરતી એક મહિલા એએસઆઇએ તેના સાસરિયાઓ સહિત સાત લોકો સામે માનસિક શારિરીક ત્રાસ અને દહેજ માંગતા હોવાની વટવા પોલીસસ્ટેશનમાં ફરિયાદ નોંધાવી છે. મહિલા એએસઆઇના લગ્ન વર્ષ 2014માં થયા હતા. ત્યારબાદ તેના સાસરિયાઓએ તેની પાસે અને તેના પિતા પાસે 20 લાખ રૂપિયા દહેજ માંગવાની શરૂઆત કરી હતી

જો કે મહિલા એએસઆઇના પિતાની ક્ષમતા ન હોવાથી તે મનાઇ કરતી અને તેને લઇને સાસરિયાઓ ત્રાસ આપતા હતા. અનેક સમય સુધી ત્રાસ સહન કર્યા બાદ મહિલા પોલીસ કર્મીના પતિએ અન્ય સ્ત્રી સાથે પ્રેમ સંબંધ બાંધી લેતા આખરે કંટાળીને તેણે વટવા પોલીસસ્ટેશનમાં ફરિયાદ નોંધાવી હતી.

મહિલા પોલીસ કર્મીનો પતિ રાજેશ આ મહિલા પોલીસકર્મીને માર પણ મારતો હતો. 20 લાખ દહેજ ન આપતા આ પતિએ તેમના સમાજની અને મુળ અરવલ્લીની પ્રિયંકા ડામોર સાથે પ્રેમ સંબંધ બાંધી લીધો. જ્યારે મહિલા પોલીસ કર્મી જુનાગઢ ખાતે ટ્રેઇનીંગમાં ગઇ ત્યારે પ્રિયંકા તેના ઘરે રહેતી અને તેનો પતિ પણ આ મહિલા પોલીસને ફોન કરાવતો અને રાજેશ હવે તેનો થઇ ગયો છે તેવું પ્રેમિકા સાથે કહેવડાવતો હતો. 

(8:44 pm IST)
  • જૂનાગઢ મહાનગર પાલિકાની 21મી જુલાઈએ ચૂંટણી :23મી જુલાઈએ મતગણતરી :ગાંધીનગર મનપાના વોર્ડ,ન,3ની પેટાચૂંટણી અને જિલ્લા-તાલુકા પંચાયતની ખાલી પડેલી બેઠકો માટે પણ 21મી જુલાઈએ થશે મતદાન: 6ઠ્ઠી જુલાઈથી ઉમેદવારીપત્ર રજૂ કરી શકાશે :9મીએ ઉમેદવારીપત્ર પરત ખેંચવાની અંતિમ તારીખ access_time 7:03 pm IST

  • જુલાઈના પ્રારંભે દિલ્હીમાં ચોમાસુ જામશેઃ આજે છુટોછવાયોઃ દિલ્હીમાં આજે છુટોછવાયો વરસાદ પડશે જયારે ભારે વરસાદ માટે જુલાઈ સુધી રાહ જોવી પડશે તેમ સ્કાયમેટ જણાવે છે : દિલ્હીમાં આજે વાદળછાયુ વાતાવરણ જોવા મળે છે access_time 11:41 am IST

  • હોમગાર્ડ રોકી રોન્ગ સાઈડમાં જતી કાર :ભાજપના નેતાએ માર્યો લાફો :બોનેટ પર ચડાવીને ઢસડ્યો : હરિયાણાના રેવાડીના ભાજપ નેતા સતીશ ખોડાની દબંગાઈ :હોમગાર્ડના જવાનને કારના બોનેટમાં ચડાવીને ઢસડ્યો access_time 1:18 am IST